بِسْمِ اللهِ الرَّحْمٰنِ الرَّحِيمِ
Yaroqsiz vaktsina shartnomasi oldida Nizor Banotning o‘ldirilishi yanada dahshatli jinoyat hisoblanadi
Juma kuni minglab falastinliklar siyosiy faol Nizor Banot tobutini ko‘tarib borib, Xalil shahrida janoza namozini o‘qidilar va «Shuhado» qabristoniga dafn qildilar. Marosimda ishtirok etgan xalq Falastin ma’muriyati va uning xavfsizlik xizmatini qoralab hayqirdilar. Ma’lumki, payshanba kuni xavfsizlik xizmati xodimlari Nizor Banot xonadoniga bostirib kirib, uni ayovsiz kaltaklab, xavfsizlik xizmati boshqarmasiga olib ketishgan va o‘sha erda o‘ldirishgan edi.
Bu haqda Hizb ut-Tahrir – muborak Falastin zamini matbuot bo‘limi bayonot nashr qilib, quyidagilarni ta’kidladi:
«Bu dahshatli jinoyat Falastin ma’muriyatining kirdikorlarini va korruptsiyasini tanqid qilgan va shular borasida undan hisob talab qilgan bir siyosiy faolni yo‘q qilish jinoyatidir. Bu jinoyatning har qachongidan ham manfur ekanligi shundaki, u Nizor Banotning Falastin rejimini bosqinchi davlat bilan vaktsina bitimi imzolaganligini tanqid qilganidan so‘ng sodir etildi».
Hizb ushbu nashrada quyidagilarni qo‘shimcha qildi:
«Bu jinoyatda shaxsan Nizor Banot nishonga olinmagan. Balki yomon boshqaruv va odamlarning joni, moli va nomuslarini sotish kabi jinoyatlar ustida rejimdan hisob so‘ragan, bu jinoyatlarni baralla ovozi bilan fosh etgan har bir shaxs nishonga olingan».
Matbuot bayonotida muborak Falastin ahliga murojaat qilindi:
«Ey muborak Falastin ahli! Bu rejim va uning xavfsizlik xizmati sizga qarshi jinoyat qilishdan aslo to‘xtashmaydi, chunki ular sizning dushmanlaringiz toifasidandir. Axir, bosqinchi yahudiylarga muqaddas dargohlarimiz va zaminimizdan voz kechgan, ular bilan xavfsizlik ishlarini muvofiqlashtirish asosida ishlayotgan kimsalardan har qanday yovuz ishlarni kutish mumkin-ku?!
Falastin rejimining ayni hodisa bo‘yicha tergov-surishtiruv komissiyasi tuzishi masxarabozlikdan boshqa narsa emas. Nahotki, bu komissiya Mojid Faraj, Husayn Shayx, Mahmud Abbos kabilarni tergov qilib, ulardan hisob so‘rasa?! Axir, yahudiylar bilan xavfsizlik ishlarini muvofiqlashtirish asosida ishlash jinoyati Falastin ahlidan o‘nlabining shahid etilishiga va yuzlabining hibsga olinishiga sabab bo‘lganini tergov komissiyasi fosh etishi mumkinmi, buni undan kutish kulgiliku?!».
Falastin rejimi xuddi Qur’onda aytilgan شجرة خبيثة nopok daraxtga o‘xshaydi. U bosqinchi davlat bilan malay rejimlarning musulmon yurtidagi davomchisidir. Bas, uning jinoyatlariga faqat siz muborak Falastin ahlining rejimga qarshi turib, uning jinoyatlarini bor ovozingiz bilan fosh etish pozitsiyangiz chek qo‘ya oladi. Zolimlar va xoinlar yuziga haqni ochiq ayting va Alloh yo‘lida malomatchining malomatidan qo‘rqmang. Chunki Alloh siz bilan, U zot amallaringizni aslo besamar qo‘ymaydi.
Roya gazetasining 2021 yil 30 iyun chorshanba kungi 345-sonidan
