بِسْمِ اللهِ الرَّحْمٰنِ الرَّحِيمِ
Aqso bo‘roni va G‘azo qahramonligi «ikki davlat echimi» uchun emas, balki Ummat loyihasi uchun tamal toshidir
Ustoz Yusuf Abu Zar
Hizb ut-Tahrirning muborak Falastin
zaminidagi matbuot bo‘limi a’zosi
Muborak Aqso hodisalari shu hodisalarning yuz berishigagina cheklanib qolmadi. Balki hodisalar chegaralarni kesib o‘tdi. So‘ng bu hodisalarga G‘azodagi qahramonliklar hamrohlik qildi. Bosib olingan zamin ichkarisi, qolaversa butun Ummat junbushga keldi. Mana shunday bir manzarada ko‘p masalalarga aniqlik kiritildi. Ya’ni Aqso butun musulmonlarni junbushga keltirgan paytda, Falastin masalasining aqidaviy masala ekanligi haqidagi to‘g‘ri tasavvur zehnlarda qayta jonlandi. Hukmdorlarni istisno qilganda butun Ummat harakatga kelib, Aqsoni ozod etishga rag‘bat bildirar ekan, Falastin masalasi Ummat masalasi ekanligiga qayta aniqlik kiritildi. Ya’ni, Falastin masalasi bachkanalashtirishga moyil milliy masala emas, balki ozod etilishini kutayotgan bosib olingan islomiy zamin masalasidir.
Shuningdek, ushbu hodisalar bosqinchi yahudiy vujudi shuncha jinoyatlarini yashirishga urinmasin, uning asli qo‘rqoq va zaif vujud ekanini fosh etdi. Malay hukmdorlar bu vujudni mudofaa qilib, qo‘riqlashlaridan tashqari, Ummatni adashtirish uchun uni kuchli qilib ko‘rsatishga har qancha urinmasin, bu vujudning kimligi ochildi. U hatto o‘z vujudini yolg‘ondan «Falastinda zulmga yuz tutgan haqdor xalq» sifatida qurib olgan bo‘lsa ham, butun olamga jinoyatlari ochilib, qora va qabih basharasi fosh bo‘ldi… Bu vujud dunyo xalqlaridan rahm-shafqat umid qilgandi, aksincha, xalqlarning nafratiga, masxarasiga uchradi.
Mana shunday bir manzarada musulmonlarda Falastinni tom ma’noda ozod etish mumkin, degan qarash qayta tug‘ildi. Ummatda shirin bir tuyg‘u, o‘z kuchiga ishonish shuuri vujudga keldi. Ummat mabdaga ega kishilar tomonidan Falastinni ozod etish uchun o‘rtaga tashlanayotgan shar’iy vazifaning haqiqatligiga va ozodlik xushxabarlarining rost ekaniga qayta amin bo‘ldi. U ayni haqiqatni tani bilan his qilib, aqidaning tom ma’noda kuchli ekanini va hodisalarda aqidaning izlari borligiga guvoh bo‘ldi. Buning muqobilida, o‘nlab yillar Ummatni adashtirishga uringan va yahudiylar bilan munosabatlarni normallashtirayotgan qo‘rqoq rejimlar va ular ortidagi jinoyatchi G‘arb ayni hodisalarda noumidlik va hafsalasizlik hissini tuyishdi.
Biroq, bu erda e’tibordan qochirmaslik kerak bo‘lgan bir narsa bor. U ham bo‘lsa, Islom va musulmonlarning kofir G‘arbdagi dushmanlari, ayniqsa Amerikaning – garchi bu hodisalarni o‘zlari sun’iy keltirib chiqarmagan bo‘lsa ham – biroq undan unumli, o‘z manfaatlariga xizmat qiladigan va loyihalarini qo‘llab-quvvatlaydigan shaklda foydalanayotganidir. Bu ishda ularga ikki omil yordam bermoqda:
Birinchi omil: Islom davlatida gavdalanadigan Ummatning tabiiy etakchiligining yo‘qligidir. Mavjud bo‘lganlari ham yo G‘arb bilan aloqa qiladigan yoki o‘z mabdasiga ega bo‘lmagan, G‘arb loyihalarini qabul qilgan va ayni loyiha ustida u bilan savdolashayotgan etakchilikdir.
Ikkinchi omil: Ummatning uyg‘onish va ozod bo‘lishiga oid haqiqiy loyihasining g‘oyib bo‘lganligi hamda bu loyihaga qarshi kurash olib borilib, uni xomxayollik loyihasi, deya tasvirlash va buning muqobilida, G‘arb loyihalarini, tayyor rejalarini tiqishtirish omili. Ayni omil yordamida G‘arb Ummat energiyasini o‘z loyihalari foydasiga yo‘naltirib, ekspluatatsiya qilmoqda. Buni ayni loyihalarni kurashning yutuq va samaralari, deya tasvirlab odamlarni qiziqtirish orqali yoki bu loyihalar halokatdan saqlanish uchun yagona kuch va yo‘l, deya qo‘rqitish orqali amalga oshiryapti!
Darhaqiqat, hodisalardan nopok niyatda foydalanish Aqso hodisalarida va G‘azo urushida yaqqol namoyon bo‘ldi. Hodisalar keskinlashgan paytda Amerika mintaqani o‘zining ikki davlat echimiga, muzokaralarni qayta boshlashga yo‘naltira boshladi. Odamlar Falastin rejimidan qattiq nafratlanishlariga qaramay, Bayden ma’muriyati bu rejim bilan aloqa tiklab, uning e’tiborini ko‘tarishga urindi. Amerikaning bayonotlari ta’sirida uning tobe va tarafdorlari ham g‘imillab qolishdi. Masalan, Turkiya Quddusning uch dindan tashkil topgan komissiya orqali boshqarilishini va shu orqali Quddusga xalqaro tus berishni taklif qildi. Misr nafaqat «vositachilik» qildi va hamon qilmoqda, hatto G‘azoni qayta obodonlashtirishga o‘z hissasini qo‘shish niyatini ham bildirdi. Holbuki, shuncha yildan buyon G‘azoni chor atrofdan qamal qilib, bo‘g‘ib kelayotgan mana shu Misr bo‘ladi. Hatto Amerikaning o‘zi ham tilga kirib, G‘azoni qayta tiklash haqida bayonot bera boshladi. Bularning barchasi G‘azoga uzatilgan qo‘llarning nopokligini, «obodonlashtirish» niqobi ostida vayron etuvchi qo‘llarligini ko‘rsatmoqda. Shu tarzda, ular ayni hodisalardan, hatto halokatli takliflarni kiritib bo‘lsa ham foydalanishga urinishyapti. Agar buning aksi bo‘lsa, masalaning Amerikaning stoliga qo‘yilganidan, o‘lik rejimni qayta jonlantirilayotganidan yoxud siyqasi chiqqan muzokaralarni qayta boshlash taklifi kiritilganidan ko‘zlangan yaxshilik qanday yaxshilik?!
To‘g‘ri, Amerika, G‘arb va ular bilan til biriktirgan malaylari hozirda nufuz va hukmronlikka egadirlar va faqat mana shulargina mavjud moddiy imkoniyatlar yordamida turli xil loyihalarni kiritishga qodirdirlar. Biroq, bu erda ular nazorat qila olmaydigan boshqa narsa ham bor. Bu – Aqso bo‘ronida Ummatda paydo bo‘lgan go‘zal holatdir. Darhaqiqat, ushbu bo‘ron Ummatda ongni paydo qilib, haroratini qo‘zg‘adi va unda buyuk energiya yashiringanini ko‘rsatib berdi. Hisobimizcha, Ummatda ko‘ringan ushbu go‘zal holat amerikalik va g‘arblik rasmiylar va ularning malaylarini bu narsani chuqur o‘rganishga majbur qildi. Ular ishlar qo‘llaridan chiqib ketib, butun mustamlakachilik tuzilmalari yaqin orada imkonsizlik holatiga tutib qolishidan qattiq xavotirlanib qolishdi. Shuning uchun Ummatdagi bu holatni yo‘q qilish va kelajakda qayta paydo bo‘lmasligini ta’minlash yo‘lida barcha sa’y-harakatlarini ayashmayapti. Ulardan bu borada kutilayotgan eng xavfli narsa, Falastin masalasini yo‘q qilishdan iboratdir. Chunki ular shu orqali butun mintaqadagi alangaga sababchi bo‘ladigan Falastin masalasini o‘zlarining yanada makr va adashtiruvlari orqali so‘ndirishmoqchi.
Haqiqatdan ham, Aqso bo‘roni va shu orada kelib chiqqan G‘azo qahramonliklari hamda Falastin bo‘roni, bular juda ajoyib ta’sir ko‘rsatib, Ummatdagi ong va tuyg‘uning ziyodalashishiga yordam berdi. Shuning uchun bu narsa shunday bir muhim hodisa bo‘ldiki, uni ortidan navbatdagi muhim hodisalar ro‘y beradigan shaklda tartiblashtirmoq darkor. Shuningdek, bu hodisani Ummat loyihasi uchun bir tamal toshiga aylantirmoq lozim. Bu esa, Falastindagi ushbu faol energiya va ajoyib ta’sirni Islomiy Ummatning butun kuch-qudratiga, asosan uning qo‘shinlari tarafga yo‘naltirish bilan bo‘ladi. Chunki qudrat ahli ham, amaliy va mas’ul jihat ham mana shu Ummat qo‘shinlaridir. Shuning uchun ayni kuchlarning barchasi ozodlik ma’rakasiga qo‘shilishlari uchun hamda nafaqat Falastinni ozod qilish, balki butun mustamlakachilik kishanlaridan ozod bo‘lish uchun faol jamoatchilik fikrini paydo qilish lozim. Bas, ushbu ishga hissa qo‘shgan har bir kishiga Tubo jannati bo‘lsin.
Yuqorida aytilgan narsalar musulmonlardan ayni hodisadan samarali foydalanishni hamda e’tiborni Ummatdagi kuch-qudrat ahliga va uni harakatlantirishga qaratish orqali, ayniqsa, Ummatning izzat-hurmatiga sazovor bo‘lgan va o‘z so‘ziga ega bo‘lgan mard mujohidlarga ahamiyat berish bilan rulni Ummatning uyg‘onish va ozodlik loyihasi tarafga burishni taqozo qiladi. Shu bilan birga, bu kabi hodisani o‘g‘irlatib qo‘yishdan va bu hodisa Ummat loyihasidan farqli Amerikaning ikki davlat echimi loyihasiga tamal toshi bo‘lishdan juda-juda ehtiyot bo‘lishlarini ham taqozo qiladi. Aks holda, barchamiz xuddi o‘zi to‘qigan narsasini pishiq-puxta bo‘lganidan so‘ng parcha-parcha qilib buzib-chuvatib tashlagan xotinga o‘xshab qolamiz! Zero, ushbu pokiza qonlar, buyuk qahramonliklar va yirik qurbonliklar nopok ekinni sug‘orishi yoki mustamlakachilar rejasiga xizmat qilishi haromdir.
Roya gazetasining 2021 yil 9 iyun chorshanba kungi 342-sonidan
