بِسْمِ اللهِ الرَّحْمٰنِ الرَّحِيمِ
Ramazon ne’matlar va buyuk yutuqlar oyidir
Ustoz Roziya Abdulloh xonim
«Hiloling chiqdi yo Ramazon, muborak oysan yo Ramazon» ko‘p takrorlaydiganimiz iboradir. Bu ibora qalbimizga kuchli va ta’sirli ravishda o‘rnashib qolgan. Barchamiz butun musulmonlar uchun bo‘lgan Ramazonni orziqib kutamiz. Chunki u ulug‘ oy, buyuk mavsum bo‘lib, Alloh uni barcha oylardan sharafli va karamli qilib bergan. Bu oyda jannat darvozalari ochilib, do‘zax darvozalari yopiladi, shaytonlar kishanlanadi, rahmat yog‘iladi, xato-gunohlar o‘chiriladi. Bu har kecha Allohning do‘zaxdan qutqariladigan bandalari bo‘ladigan oydir. Bu taqvo va qiyomatda shafoat oyidir. Bu kuch sarflash, ato etish va duolarni ijobat qilish oyidir. Zero, bu oyda ro‘za tutgan kishi duosi ijobat etilgan uch insondan biridir: ro‘zador, odil xalifa va mazlum.
Ramazon oyi Qur’on oyidir. Bu Rosululloh ﷺning huzurlaridan joy beriluvchi oydir… bu naqadar baxtli joydir. Darhaqiqat, Payg‘ambar alayhissalom ashobi kirom roziyallohu anhulariga bunday marhamat qilganlar:
«قَدْ أَظَلَّكُمْ شَهْرٌ عَظِيمٌ، شَهْرٌ مُبَارَكٌ، شَهْرٌ فِيهِ لَيْلَةٌ خَيْرٌ مِنْ أَلْفِ شَهْرٍ، جَعَلَ اللَّهُ صِيَامَهُ فَرِيضَةً، وَقِيَامَ لَيْلِهِ تَطَوُّعًا، مَنْ تَقَرَّبَ فِيهِ بِخَصْلَةٍ مِنَ الْخَيْرِ، كَانَ كَمَنْ أَدَّى فَرِيضَةً فِيمَا سِوَاهُ، وَمَنْ أَدَّى فِيهِ فَرِيضَةً كَانَ كَمَنْ أَدَّى سَبْعِينَ فَرِيضَةً فِيمَا سِوَاهُ»
«Sizlarga buyuk muborak oy kirib keldi. Ushbu muborak oyda ming oydan yaxshi bir kecha bor. Alloh bu oyda ro‘za tutmoqni farz, qiyomul laylni mandub-ixtiyoriy qildi. Kim bu oyda Allohga yaqin bo‘lish niyatida bitta yaxshilik-mandubni ado etsa, boshqa oylarda ado etilgan farzlarning savobini oladi. Kim bu oyda bitta farzni ado etsa, ramazondan boshqa oylarda ado etiladigan etmishta farzlarning savobini oladi». Alloh Subhanahu va Taolo ro‘zadorlar uchun jannatda faqat o‘zlari kiradigan alohida darvoza tayyorlab qo‘yadi. Bu oyda umra qilgan kishi bir marta haj qilgan kishining savobini oladi. Ba’zi rivoyatlarda Payg‘ambarimiz ﷺ bilan birga haj qilganning savobini olishi aytilgan. Bas, Ramazondagi umra – unda mashaqqat bo‘lgani uchun – haj qilish bilan barobar ekan, u holda, Ramazonda Alloh yo‘lida jihod qilish qanday bo‘lishi mumkin?!
Ramazon oyi sabr va nusrat oyidir, maqsadlar, g‘alabalar va xotiralar oyidir. Bu oyda musulmonlarning qo‘mondon va qahramonlari tarix zarvaraqlariga Islom Ummatining eng buyuk va eng sharafli mardlari sifatida qayd etilganlar. Bu musulmonlar tarixida o‘zgarish nuqtasi bo‘lgan. Musulmonlarning Ramazon oylarida qo‘lga kiritgan g‘alabalaridan eng asosiylari: Hijratning 2-yilidan boshlanib, birinchisi haq bilan botil o‘rtasini ajratgan buyuk Badr g‘azoti bo‘ldi. Undan so‘ng hijratning 8-yili buyuk fath-Makka fathi, keyin hijratning 13-yili Iroqdagi forslarga qarshi Buvayb ma’rakasi, hijratning 15-yili Qodisiya ma’rakasi, hijratning 31-yili Nuvba (Sudan) shahrining islomiy fathi, hijratning 92-yili Andalus (Ispaniya) fathi, hijratning 114 yili shahidlar saroyi jangi, hijratning 223-yili Umuriya (Anqara) fathi, hijratning 658-yili mo‘g‘ul-tatarlarning musulmonlarga qarshi vahshiyligiga yakun yasagan Ayn Jolut jangi, hijratning 584-yili Hittin jangi, hijratning 666-yili Zohir Baybaris qo‘li bilan amalga oshgan va Salohiddin Ayyubiyning Ramazondagi g‘alabalaridan biri bo‘lgan Antakьya fathi.
O‘z davlatimiz va Islom ahkomlarini tatbiq qiluvchi xalifamiz bor zamonlarda biz dunyoning xo‘jayinlari, olamning etakchilari edik, Allohning dinini aziz-kuchli qilish yo‘lida ter to‘kardik. O‘shanda Ramazon islomiy boshqaruvni, Islom Ummati birligini va Islom qudratini yorqin namoyish qiladigan mumtoz oy edi. U musulmonlar o‘rtasidagi ixtilofni daf qilar hamda ro‘za, hayit va hajlarini bitta qilar edi.
Biroq Xalifalik ag‘darilgach, etakchi yo‘q bo‘ldi, Allohning shariati bekor bo‘ldi, g‘alabalar to‘xtadi. Musulmonlar armiyalari G‘arbni mudofaa qiladigan, uning yurtlarimizdagi manfaatlarini amalga oshiradigan bo‘lib qoldi. Rosululloh ﷺ butlardan poklagan yurtlarga G‘arbga malay hukmdorlar va ularning dumlari butlarni qayta tashishdi. Oqibatda, musulmonlar o‘z diyorlarida g‘arib bo‘lib qoldilar. Qonlari daryo qilib oqiziladigan, mollari va boyliklari talanadigan, nomuslari halol qilib olinadigan, hayotlari osudalik ta’mini totolmaydigan bo‘ldi.
Shu bois, eng birinchi va eng muhim ish Alloh shariatini hakam qilish va Islom davlatini barpo etish yo‘lida harakat qilishdir. Zero, Islom davlati jihod e’lon qilib, armiyalarni butun olamga da’vatni etkazish va Islomni yoyish sari safarbar qiladi. O‘tmishdagi musulmonlar nusrat-g‘alabalarni qo‘lga kiritganlaridek, biz ham Ramazon oyini ajdodlarimiz Ramazoniga o‘xshatishimiz va o‘shalar kabi yurtlarni poklab, fuqarolarni qutqarib, asir Quddus va uning ahlini bosqinchi yahudiylar zo‘ravonligi va hujumlaridan ozod etmog‘imiz, muborak Aqso masjidini, Ibrohimiy masjidini va boshqa islomiy muqaddas dargohlarimizni o‘z o‘rinlariga qaytarmog‘imiz, Quddusni Islom davlatining buyuk shahriga aylantirib, Iroq, Afg‘oniston, Checheniston, Kashmir, Sharqiy Turkiston, Hatto Hindiston va Andalus (Ispaniya)ni ozod etish uchun Quddusdan boshlab harakatga kelishimiz zarurdir.
Yuz yildan buyon musulmonlar Ramazon oyini ixtilofsiz kutib olish quvonchidan mahrumdirlar. Har yili Ramazon va shavvol oyining boshlanishi borasida kelishmovchiliklar kelib chiqadi. Albatta bunga qarashlarning har xilligi, siyosiy maqsadlar asosida yurtlar o‘rtasida o‘zaro yaqinlashish va uzoqlashish hamda astronomik hisob-kitoblar sabab bo‘lmoqda. Ramazon ommaviy axborot vositalari orqali musulmonlarni arzimas ishlar va chalg‘ituvchi masalalar bilan band qilish uchun dangasalik va uyqu oyiga aylanib qoldi. Bas, shunday ekan, fursatni g‘animat bilaylik va tarixni xorlik yo‘nalishidan azizlik, aqllilik va dushman ustidan g‘alaba yo‘nalishiga burib, ushbu Ramazonni Xalifaliksiz va musulmonlar imomisiz o‘tgan Ramazonlarning so‘nggisiga aylantiraylik. Zero, Xalifalik barpo etilsa, musulmonlarning bo‘linishiga ham, yurtlari parokandaligiga ham yakun yasaladi, Islom Ummati bir butun Ummatga, davlati yagona davlatga aylanadi. Bu davlatning qarori ham, mustaqilligi ham o‘z qo‘lida bo‘lib, barcha boyliklariga o‘zi ega chiqadi. U yaratuvchi va rizqlantiruvchi Parvardigorning shariatini tatbiq qiladi, Parvardigor esa, unga dushmanlari ustidan nusrat berib, maqsadlariga noil qiladi.
Ey ro‘zador musulmonlar!
Roshid Xalifalikni barpo etishdan to‘xtab qolish gunohini o‘zingizdan forig‘ eting. Uning barpo etilajagini bizga Alloh Subhanahu va Taolo va’da qilgan, Rosuli ﷺ bashorat etgan, sahobai kiromlar ijmo qilgan. Siz Rosululloh ﷺdan o‘rnak olgan holda erkagu ayollar, yoshlar, ulamolar, etakchilar sifatida Allohga yuzlaning, toki, qiyomatda Unga hujjatsiz yo‘liqmang, toki o‘limingiz johiliyat o‘limi bo‘lmasin. Agar Xalifalikni barpo etish uchun faoliyat qilayotganlar bilan teng-barobar harakat qilishga qodir bo‘lmasangiz, eng kamida, ularga yordam berishingiz kerak. Chunki Ummat xolis musulmonlar yordamiga muhtojdir. Sizning Islomning e’zozi yo‘lida faoliyat qilayotganlarning yonida turishingizning o‘zi Allohni rozi qiladi, kofir va munofiqlarni g‘azablantiradi.
Ey qudrat va yordam ahli!
Allohning g‘azabiga uchramasligingiz va ansorlar kabi bo‘lib, Allohning mag‘firatiga, jannatidagi buyuk ne’matiga erishmog‘ingiz uchun Alloh sizga bergan kuch-qudratni Alloh, Rosuli va mo‘minlarga yordam berishga sarflang. Ana shunda Ummatning bosib olingan hokimiyati qaytari olinadi va Payg‘ambarlik minhoji asosidagi roshid Xalifalik soyasida xalifaga bay’at beriladi.
Alloh Taolodan ushbu ulug‘ oyda bizga yordam berishini so‘raymiz. Bir zumda tugab qoladigan ushbu sanoqli kunlarda g‘ayrat bilan ishga kirishib, harakat va jiddi-jahd qilish uchun harakatimizni o‘n barobar orttiraylik… Islomga kuch va maqsad ila da’vat qilib, ma’rufga buyuraylik, munkardan qaytaraylik. Fursatni g‘animat bilib, zafar quchgan kishining yutug‘i naqadar yaxshi, vaqtni o‘tkazib, zoe ketkazgan kimsalarning ziyoni naqadar yomon! Chunki bunday kimsa ushbu oyni faqat orzularga berilish va xayollarga mubtalo bo‘lish bilan o‘tkazib yubordi. Alloh Taolo aytadi:
يَا لَيتَنِي كُنتُ مَعَهُمْ فَأَفُوزَ فَوْزاً عَظِيماً
«Koshki edi men ham buyuk yutuq (o‘lja)ga ega bo‘lsam edi» [Niso 73]
Zero, qo‘ldan boy berilgan narsani qayta qo‘lga kiritmoq mumkin, ammo zoe ketkazgan narsani qaytarib bo‘lmaydi. Alloh bizni Xalifalikning shohidlaridan va askarlaridan qilsin, yo‘ldan voz kechmay sobit turganlardan aylasin.
Allohim ushbu Ramazon hilolini bizga omonlik va imonlik, salomat va Islom hiloli qil. U bilan tamomiy ofiyat, dardlardan forig‘ ayla, rizqimizni keng qilib, ushbu oyni namozu ro‘zalar, qiyomul layl va tilovati Qur’on bilan o‘tkazishimizda yordamchi bo‘l. Allohim, Ramazon oyini bizga ato et va uni bizdan qabul qilib ol, unda bizni salomat ayla, undan sening afving, mag‘firating va rahmatingga erishgan holimizda chiqar.
Roya gazetasining 2021 yil 14 aprel chorshanba kungi 334-sonidan
