بِسْمِ اللهِ الرَّحْمٰنِ الرَّحِيمِ
Falastin rejimi va uning xavfsizlik xizmati zo‘ravonligiga qarshi norozilik
Payshanba kuni Ramalloh muhofazasidagi «Dayri Abu Mash’al» qishlog‘i aholisi Falastin xavfsizlik xizmatiga – uning yahudiy kuchlari bilan hamkorlikda qishloq yigitlaridan birini juma namozi o‘qiganlik ayblovi bilan qamoqqa olgani uchun – qarshi chiqdi. Rejimning Islomga qarshi kurashayotganidan, koronavirusga qarshi kurash niqobi ostida juma va jamoat namozlarini taqiqlab, odamlarga tazyiq qilayotganidan shundoq ham zada bo‘lgan qishloq aholisi ushbu qamoqqa olishdan qattiq g‘azablandilar.
Shuningdek, bu xavfsizlik xizmatining qishloqning taqvodorligi va husni axloqi bilan tanilgan nufuzli imom-xatiblaridan biri bo‘lgan Hizb ut-Tahrir a’zosini qamoqqa olish uchun bosqinchilar bilan hamkorlikda ko‘p sonli askarlari bilan kelganligi ham aholini junbushga keltirdi. Ustiga-ustak, ular aholiga qarshi kuch ishlatishdi. Hatto yigitni qamoqqa olish uchun kelgan xavfsizlik kuchlari rahbarlaridan biri «uni o‘ldirib yuborishim ham mumkin, menda hech qanday muammo bo‘lmaydi», deyishgacha bordi. Bu bilan u yigitga ishora qildi, holbuki, aholi uning qamoqqa olinishiga to‘sqinlik qilayotgandi.
Ta’kidlash lozimki, xavfsizlik xizmati kuchlari qishloq aholisiga nisbatan qaroqchilardek munosabatda bo‘lib, ularga qarshi ko‘zdan yosh oqizuvchi gaz qo‘llab, jangovar o‘qlar bilan tahdid qildi… Bu esa, aholini ularning vahshiyligiga qarshilik ko‘rsatishga, mashinalariga qarata tosh otishga va yo‘lni to‘sib qo‘yishga majbur qildi.
Bu voqea Falastin rejimining odamlarni qanchalar darajada darg‘azab qilganini ko‘rsatib turibdi. Chunki odamlar rejimning Islom va uning marosimlariga qarshi jur’at qilib, kurashayotganini, insonlar jonini, ibodatlarini va manfaatlarini mensimayotganini, jirkanch yahudiy bosqinchilar yordamida Falastin ahliga qarshi zo‘ravonlik va qaroqchilik qilayotganini ko‘rib-bilib turibdilar. Ushbu hodisa yana insonlarning bu nopok rejim va uning zo‘ravon vahshiy chora-tadbirlaridan to‘yib-toshib, portlash yoqasida turganini ham ko‘rsatib turibdi.
Roya gazetasining 2020 yil 30 dekabr chorshanba kungi 319-sonidan
