بِسْمِ اللهِ الرَّحْمٰنِ الرَّحِيمِ
Falastinni oyoq osti qilish va ahlini o‘ldirib qochqinga aylantirishda yahudiylarga sherik bo‘lgan Britaniyani Falastin ma’muriyati rahbarlari maqtashmoqda!
Falastin tashqi ishlar vaziri Riyoz Molikiy Britaniya pozitsiyasini maqtab, «Britaniya ikki davlat barpo qilish echimi, qonuniylik qarorlari va xalqaro qonunlar orqali tinchlik o‘rnatishga qaratilgan Falastin masalasini qo‘llab-quvvatlaydi hamda bosqinchilik rejalari qarshisida turish uchun bu masalaning muhimligini qadrlaydi», dedi. U Falastin masalasi duch kelayotgan shiddatli hujumlarga qarshi turishda Britaniyaning rolini hisobga olib, uni Falastin davlatini tan olishga chaqirdi.
Ta’kidlash lozimki, bu xususda Hizb ut-Tahrir – muborak Falastin zamini matbuot bo‘limi o‘z saytida bayonot chiqarib, unda quyidagilarni ta’kidladi:
«Bu rejimning gumashtalari tarixiy haqiqatlarni buzib ko‘rsatishga, Britaniya pozitsiyasini esa, Falastin masalasini qo‘llab-quvvatlovchi qilib talqin qilishga urinishyapti! Barcha siyosiy makrlarning «onasi» hamda Falastinni oyoq osti qilish va ahlini o‘ldirib, qochqinga aylantirishda yahudiylarga sherik bo‘lgan davlat mana shu Britaniya ekanidan go‘yo o‘zlarini bexabar tutishyapti. Aniqki, bu gumashtalar Britaniyaga yaltoqlik qilish bilan xorlik va rasvolikdan boshqa narsaga erishmaydilar. Falastin rejimi tashkil topgandan buyon Britaniyaga yalinib, undan Balьfur deklaratsiyasi uchun hech bo‘lmasa uzur so‘rab qo‘yishni iltimos qilmoqda. Ammo Britaniya bu jinoyatkorlik deklaratsiyasi uchun uzr so‘rash u yoqda tursin, o‘z yovuzligi va dimog‘dorligini davom ettirib, ayni deklaratsiya qabul qilinganining yuz yilligini nishonladi.
Falastin ahlining istagi zahriqotil moliyaviy grantlar ham, yahudiylar xavfsizligini himoya qiluvchi zaif Falastin davlati ham emas. Aksincha, ushbu ahlimiz yahudiy vujudini ildizi bilan qo‘porib tashlanishini, Britaniyaning yurtimizga cho‘zilgan qo‘llari chopib tashlanishini istaydi.
Roya gazetasining 2020 yil 23 dekabr chorshanba kungi 318-sonidan
