ISLOMDA BOSHQARUV NIZOMI
Musulmon shaxs ibodatini Islom buyriganidek ado etadi, Islom man qilgan narsadan qaytadi. Masalan, masjidlardan namoz o‘qiydi, odamlarni o‘tga-suvga ibodat qilishdan qaytaradi. Ovqatlanganda ham shariat buyriganidek taomlanadi: halolini eydi, haromni tark etadi. Xuddi shular kabi boshqaruv va boshqaruv nizomini tanlashda ham musulmonlar shariat belgilaganini tanlashi, undan boshqasiga rozi bo‘lmasligi kerak.
Mana hozir Qirg‘izistonda prezident saylovi kampaniyasi davom etmoqda. 10-yanvarda prezident saylovi bilan birga respublika boshqaruv nizomini “prezident boshqaruvi” yoki “parlament boshqaruvi” shakllaridan birini tanlash bo‘yicha referendum ham bo‘lib o‘tadi. Shu o‘rinda musulmon odam o‘ziga o‘zi savol berishi lozim: Shariat bo‘yicha musulmonlarni kim boshqarishi kerak? Shuningdek, shariat belgilagan boshqaruv nizomi qaysi?
Islomdagi boshqaruv nizomi bu – Xalifalikdir. U dunyodagi boshqa har qanday boshqaruv nizomidan tubdan farq qiladi. Xalifalik boshqaruv nizomi Islom aqidasiga asoslanadi va odamlar ishini boshqarishda faqat shariatni tatbiq qiladi.
Islomdagi boshqaruv nizomi – respublika emas
Demokratiya mabda’sining boshqaruv nizomi – respublika shaklidir. Islom mabda’sining boshqaruv nizomi esa Xalifalikdir. Demokratik nizomda xalq hukm yuritish va qonun tuzish ishlariga egalik qiladi. Ya’ni, xalq parlament orqali qonunlar ishlab chiqadi va shu qonunlar asosida yashaydi. (Shu ularning nazarida “xalq hokimiyati” deb ataladi. Garchi shunday atalsada, biroq, hayotda hech qanday xalq xokimiyati mavjud emas. Ular aytayotgan hokimiyat tarmoqlarining barchasini kapitalistlar egallab olishgan. Kapitalistlar parlamentda xalq hisobidan yashashlari mumkin bo‘lgan qonunlarni chiqartirib olishadi, ijro hokimiyatiga ham, sudga ham kapitalistlarning vakillari egalik qilishadi).
Islomda Ummat ham, xalifa ham qonun chiqarish huquqiga ega emas. Zero, qonun tuzuvchi – yolg‘iz Alloh Subhanahu va Taolodir. Shu sababli shariatdan boshqa qonun yo‘q. Xalifa esa konstitutsiya (dustur) va qonunlarni Allohning Kitobi va Rasulining sunnatidan tabanniy qilish huquqiga ega xolos.
Respublika nizomining prezidentlik shaklida davlat rahbari prezident bo‘ladi, AQShdagi kabi. Parlament boshqaruvi shaklida esa, boshqaruv vazirlar mahkamasida bo‘ladi, ya’ni, unda bosh vazir rahbar bo‘ladi, Germaniyadagi kabi.
Qonun ishlab chiqish huquqini insonlarga berib qo‘ygan demokratiya nizomi kufr nizomi bo‘lib, uning asosida tashkil etilgan respublika boshqaruv nizomi ham kufr tuzumidir. Undagi hokimiyat egalarining vakolatlari ham Islomdagi Xalifalik boshqaruv nizomidagi vakolatlardan tubdan farq qiladi. Xulosa qilib aytganda, u barpo bo‘lgan asosida ham, nizom va tafsilotlarida ham ulkan farq mavjuddir.
Islomdagi boshqaruv nizomi – imperatorlik emas
Imperialistik davlatlar boshqa mamlakatlarni bosib olganida ularga nisbatan imperiya nizomini tatbiq qilishadi. Xalqni ezadi, boyliklarini talon-taroj qiladi, hokimiyat, boylik va iqtisodiyotda markaziy davlat uchun ulkan afzalliklarni yaratib beradi. Buni isbatlash uchun uzoq tarixga murojaat qilib o‘tirmay, yaqin tarixdagi mustamlakachilik, shuningdek, bugungi kundagi neokolonizatorlikdan ko‘plab misollar keltirish mumkin.
Xalifalik esa, boshqa mamlakatlarni bosib olmaydi, balki dinni yoyish uchun ularni fath qiladi. Ularni Islomiy davlatning bir qismiga aylantiradi. Mamlakatning barcha hududlarida yashovchi fuqarolar o‘rtasida tenglik o‘rnatadi, millatchilikni yo‘q qiladi.
Islomdagi boshqaruv nizomi – federatsiya emas
Federatsiya nizomida turli davlatlar qisman mustaqilliklarini saqlab qolgan holda umumiy boshqaruv markaziga bo‘ysunadilar. Xalifalik bunday emas, balki u yaxlit bir nizomdir. Islom davlatining paytaxti Shomda bo‘lsa Falastinga qanday e’tibor qilinsa, sharqdagi Xuroson va g‘arbdagi Marokashga ham shunday e’tibor qaratiladi.
Davlat byudjeti qaysi viloyat bo‘lishidan qat’iy nazar, barcha fuqarolar o‘rtasida teng taqsimlanishi kerak deb e’tibor qiladi. Agar biror viloyat aholisidan yig‘ilgan soliq miqdori uning hojatlariga ikki barobar keladigan miqdorda ko‘p bo‘lsa, unga hojatiga yarasha sarf qilinadi, yig‘ilgan miqdor e’tiborga olinmaydi. Bordiyu yig‘ilgan soliq hojatlarni qoplamaydigan darajada oz bo‘lsa, bunga qaralmaydi, balki mazkur viloyatga umumiy byudjetdan hojatiga yarasha sarf qilinadi.
Islomdagi boshqaruv nizomi – qirollik emas
Qirollik nizomi qirolni boshqa fuqarolarda bo‘lmagan bir qancha huquq va imtiyozlar bilan ta’minlaydi, uni qonundan tashqarida va shaxsini daxlsiz qiladi. Qirollik nizomida boshqaruv otalardan bolalarga meros qoladi. Bugungi kunda qirollikning ikki shakli uchraydi. Birinchisida, qirol barcha vakolatlarni o‘z qo‘lida to‘plab olib, mamlakat va fuqarolarni o‘zi xohlagandek boshqaradi. Bunga Saudiya qirolligini misol keltirish mumkin. Qirollikning ikkinchi shaklida, qirol boshqaruvga ega bo‘lmagan ramziy shaxs bo‘ladi, bunga Britaniya va Shimoliy Irlandiya birlashgan qirolligini misol sifatida keltirsak bo‘ladi. Aslida bu davlatda respublika boshqaruv nizomining parlament boshqaruv shakli tatbiq qilinadi, shu sababli ushbu boshqaruvni “parlament monarxiyasi” deyiladi.
Bundan farqli ravishda Xalifalik nizomida Xalifa boshqa odamlardan hech bir huquq va afzalliklar bilan farq qilmaydi. Ummatga Allohning shariatini tatbiq etish va amalga oshirishda ummatning xizmatkori bo‘ladi. U ummatning ishlarini boshqarishda faqat shar’iy hukmlar bilan cheklangan. Bundan tashqari, Xalifalik nizomida hokimiyatni meros sifatida qoldirish yo‘q.
(Yuqorida keltirib o‘tilgan narsalar xususida kengroq ma’lumotga ega bo‘lishni xohlasangiz “Islomda boshqaruv nizomi”, “Xalifalik davlati jihozi”, “Xalifalik davlati dusturi loyihasi”, “Demokratiya kufr nizomi” kitoblariga murojaat qilishingiz mumkin).
Xulosa:
Demak, musulmonlar saylaydigan rahbar bu – Xalifadir. Musulmonlar tanlashi vojib bo‘lgan boshqaruv nizomi bu – Xalifalikdir. Xalifalik hayot maydonida yo‘q bo‘lgan vaqtda uni barpo etish uchun harakat qilish barchamizga birdek vojib. Hozirgi kufr nizomlariga rozi bo‘lib yashash mumkin emas.
Shu sababli, agar musulmon sifatida shariatga murojaat qilsak, 10-yanvarda bo‘lib o‘tadigan prezident saylovida, shuningdek, boshqaruv shaklini tanlash referendumida qatnashish harom ekanligi oydinlashadi. Biz, Qirg‘iziston musulmonlarini saylovni boykot qilishga chaqiramiz. Shu orqali bu harom ishdan tiyilamiz hamda demokratiya kufr nizomining bir institutiga zarba berib, umrini qisqartirishga xissa qo‘shamiz. Va yana ushbu amalimiz Xalifalikni barpo etish yo‘lidagi qadamlarimizdan biri bo‘lib qoladi.
18. 12. 2020
