بِسْمِ اللهِ الرَّحْمٰنِ الرَّحِيمِ
Al-Va’y guruhi: Mustaqillik mustamlakachilikning yangi niqobidir hamda Falastindagi bosqinchilar va ularning ortidagilarni qo‘llab-quvvatlashdir
Hizb ut-Tahrirning Xalil shahri politexnika universitetidagi Al-Va’y talabalar guruhi namoyish o‘tkazib, unda «mustaqillik bayrami»ning asl mohiyatini ochib berdi. Ya’ni, ko‘tarib chiqqan plakat va tarqatgan matbuot bayonotlari orqali «istiqlol», deyilayotgan narsaning mohiyati bayon qilinib, mustamlakachi o‘z nufuzidan qoniqmay qolgan paytda xalqlar va millatlar ustidagi hukmronlik uslubini tez-tez o‘zgartirib turishi tushuntirildi. Masalan, musulmonlarga qarshi jangovar kurashishda omadi chopmagandan so‘ng ishg‘ol etgan musulmon yurtlarida «mustaqillik» stsenariysini namoyish qila boshladi. Bugungi kunda barcha musulmon yurtlarimizda mustaqillikni milliy bayram qilinayotgani mana shundan. Vaholanki, bu mustaqillikning iqtisodda ham, siyosatda ham real suverenlikni ifoda qilmayotgani va xalq istagini ifoda etmayotgani barchaga ma’lum. Biz Al-Va’y guruhi Falastin mustaqilligini bayram qilayotganlarga shu bilan bog‘liq bir necha savollarni bermoqchimiz:
Bu Falastin zaminingiz «mustaqillik bayrami»ni nishonlashi uchun bosqinchi yahudiylardan bir kun bo‘lsa ham ozod bo‘lganmi?!
Qani mustaqilligingiz, axir, dushman armiyalari Falastin rejimini nazoratda ushlab turish uchun o‘z hukmronligi ostidagi sizning mintaqalaringizga kechayu kunduz bostirib kirmoqda-ku?!
Qani mustaqilligingiz, axir, Falastin ahli bosqinchining ruxsatisiz xorijga safar qila olyaptimi, yoki shahardan shaharga bora olyaptimi?!
Donor davlatlarining siyosatlarini amalga oshirib beradigan xalqaro moliyaviy yordamlar olinayotgan ekan, biror bir mustaqillik bo‘lishi mumkinmi?!
Falastinda tatbiq qilinayotgan qonun va qonunchiliklardan maqsad G‘arb mustamlakachilik siyosatini davom ettirish emasmi, masalan, «Oilani himoya qilish qonuni», «SEDAW konventsiyasi», «YuNESKO ta’lim dasturi» va boshqalar kabi?!
Bu mustaqillik yolg‘on va aldov emasmi, axir, bundan Falastin ahlini go‘yo muvaffaqiyatli qahramon qilib ko‘rsatilyapti, vaholanki, uning bosib olingan erlaridan bir qarichi ham ozod etilmagan bo‘lsa?!»
Ushbu mazmundagi varaqa so‘nggida Al-Va’y guruhi haqiqiy ma’nodagi mustaqillikni anglab etish zarur ekanini ta’kidlab, bunday dedi:
«Haqiqiy mustaqillik – bevosita dushmanlik qilayotgan (yahudiy vujudi)ning hamda masalalarimiz va manfaatlarimizga bilvosita dushmanlik qilayotgan xalqaro hamjamiyatning istak va irodasidan qutulish, demakdir. Shuningdek, haqiqiy mustaqil bo‘lishimiz uchun iqtisodiy, ijtimoiy, harbiy va ta’lim bilan bog‘liq siyosatlarimiz buyuk Islom tuzumidan balqib chiqishi kerak, Jahon banki yoki Xalqaro Valyuta Fondi va BMTga qarashli boshqa xalqaro tashkilotlardan emas. Haqiqiy istiqlol hokimiyatimiz ham, xavfsizligimiz ham o‘z qo‘limizda bo‘lishini, muammolarimizni o‘zimizning islomiy aqidamizdan kelib chiqqan echimlar hamda undan balqib chiqqan shar’iy ahkomlar bilan hal etishimizni anglatadi.
Roya gazetasining 2020 yil 18 noyabr chorshanba kungi 313-sonidan
