بِسْمِ اللهِ الرَّحْمٰنِ الرَّحِيمِ
Falastin Ozodlik Tashkiloti arab davlatlaridagi rasmiy rejimlarning tabiiy mahsulidir
Ustoz Abu Hamza Xutvoniy qalamiga mansub
Falastin Ozodlik Tashkiloti va undan kelib chiqqan rejim Amirliklar va Bahraynning yahudiy vujudi bilan munosabatlarni normallashtirish kelishuvi imzolaganlariga norozi, degan mazmundagi xabar shu kunlarda barcha ommaviy axborot vositalarida tarqalmoqda. Ozodlik Tashkiloti bilan rejimi jarchilarining da’vosicha, bu kelishuvni Falastin rejimi qoralagan emish. Go‘yo bunday munkar jinoyatlardan pok rejimdek. Holbuki, 1993 yil yahudiy vujudini rasman tan olgan va aloqalarni normallashtirgan aynan mana shu tashkilot bo‘ladi.
Bu Ozodlik Tashkilotining paydo bo‘lgandan shu kungacha qilgan ishlariga chuqur nazar solsak, quyidagilarga guvoh bo‘lamiz: Bu tashkilot anavi Amirliklar va Bahrayndan farq qilmaydi, hatto boshqa har qanday arab davlatlaridan ham farq qilmagan holda, yahudiy vujudi bilan sulh imzolab, munosabatlarni normallashtirib kelgan. Falastin rejimini mustamlakachi davlatlar o‘tgan asrning qirqinchi yillari paydo qilgan bo‘lsa, bu rejimdan Ozodlik Tashkiloti tug‘ildi. Masalan, Arab davlatlari ligasini Ikkinchi Jahon urushidan so‘ng «Inshas sammiti»da Britaniya tashqi ishlar vaziri tuzgan. O‘shandan boshlab aynan shu liga shu kabi zaif qaram tashkilotlarni urug‘lantirib keladi… Aynan shu liga ulardan boshqa tashkilotlar ajralib chiqishini ta’minlab, birlashishiga yo‘l qo‘ymadi… Aynan shu liga Ozodlik Tashkilotini paydo qilib, uni Falastin masalasini yo‘q qilishda asosiy qurol qildi.
Amerika Falastinni ikkiga bo‘lish to‘g‘risida 1947 yili Xavfsizlik Kengashi chiqargan qarorni qabul qildi. Bu bilan u falastinliklarni tamsil etadigan va «er egalari», degan nom bilan yahudiy vujudini tan oladigan Falastin davlatchasini barpo qilish g‘oyasini qabul qildi. Toki, yahudiy vujudi ham Falastin vujudining qonuniy egizagiga aylansin va shu «masala egalari» tomonidan tan olinsin.
1957 yil Amerika Livandagi Shtaura sammitida G‘arbiy Sohil bilan G‘azo sektorini Misr va Iordaniyadan ajratish mafkurasini qabul qildi. 1962 yilda AQSh prezidenti Jon Kennedi Misr prezidenti Jamol Abdunnosir bilan uchrashib, undan Arab davlatlari ligasi orqali falastinliklar uchun vakillik qiladigan va xalqaro hamjamiyat oldida qonuniy vakil bo‘ladigan maxsus siyosiy organ tuzish ustida ishlashni talab qildi. Bu so‘zlarni Iordaniya parlamentining sobiq spikeri Abdullatif Arabiyat aytgan.
1964 yil Quddusdagi Jabali Zaytunda birinchi marta Falastin konferentsiyasi bo‘ldi va uning yakunida juda xavfli bir siyosat xulosa qilib chiqarildi: Falastin masalasidan islomiy ko‘lamni uzib tashlandi va bu masala arablarga xos, musulmonlarga aloqasiz, arablardan boshqasiga daxlsiz masalaga aylanib qoldi.
Ushbu tashkilot avvalda 1965 yilda Falastin Ozodlik Hay’ati nomi bilan tuzildi va Arab davlatlari ligasi uni muborakbod qildi va uni muborakbod qilishi bilan tashkilot liganing tabiiy mahsuli bo‘lib qoldi. 1974 yil Rabbot sammitida yangi davr boshlanib, tashkilotdan arab davlatlari ko‘lami uzildi va u falastinlik xalqning yagona qonuniy vakiliga aylandi. Shu bilan Falastin masalasi o‘zining ham islomiy, ham arabiy ko‘lamidan mutlaqo ajratildi. Arabiy va islomiy vaznisiz qolgan Falastin yahudiylar uchun tayyor emga aylandi. Arablar ham, musulmonlar ham Falastinning bir qismi emas, balki undan g‘arib-begona bo‘lib qoldilar. Buning oqibati o‘laroq, yahudiy davlatiga qarshi kurashishda hamma og‘irlikni zimmalarida ko‘taruvchi tomon faqat bechora falastinliklar bo‘lib qoldi. Toki, yirik davlatlardan qo‘llab-quvvatlov oluvchi tomon yahudiylar bo‘lsin va Falastin masalasi yo‘q qilinsin.
Shunday qilib, rasmiy arab davlatlari tizimi ushbu eng buyuk taqdiriy islomiy masalani faqat Falastin ahliga xos kichkina bir masalaga aylantirishga muvaffaq bo‘ldi. U endi siyosiy bo‘lishdan ko‘ra ko‘proq insonparvarlik masalasiga taalluqli bo‘lib qoldi, masalan, «falastinliklarni qaytishi», «kompensatsiya olishlari», bosqinchilar qilichlari ostida turadigan va hech qanday suverenligi bo‘lmagan «davlatcha qurish» kabi masalalar.
Bundan xulosa qilish mumkinki, Falastin Ozodlik Tashkiloti Arab davlatlari ligasining, ya’ni, yigirma ikkita omadsiz va ojiz arab davlatlaridan tashkil topgan tizimning ajralmas bir bo‘lagidir. Bu Ligaga a’zo bo‘lgan ojiz arab davlatlari Falastinni o‘z holiga tashlab qo‘yib, sahnalashtirilgan janglarda uni yahudiylarga topshirdi. Shuningdek, tinchlik kelishuvlarini imzolash hamda yahudiy vujudi bilan xoinlarcha munosabatlarni normallashtirish orqali bu vujudga qarshi turish javobgarligini yolg‘iz falastinliklar zimmasiga yuklab qo‘ydi.
Bu Falastin rahbariyati falastinliklar nomidan o‘nlab yillarga behuda muzokaralar imzolash orqali Falastinni zoe ketkazayotgan ekan, buni avvaldan qasddan rejalashtirgan holda qilyapti. Shuningdek, u quyidagi qator qilmishlarini sodir etyapti: xavfsizlik muvofiqlashuvini imzolash orqali yahudiy vujudi xavfsizligini mudofaa qilish, qidiruvdagi falastinliklarni quvg‘in qilib, ularni yahudiy vujudi qo‘liga topshirish, o‘zining xavfsizlik xizmati orqali xalq harakatlarini bostirishi (holbuki, xalq harakatlari islomiy ijtimoiy nizomga rioya qiluvchi Falastin jamiyatida fahsh ishlarini tarqatayotgan «CEDAW» konventsiyasini tatbiq qilishdek rejimning buzuq siyosatiga qarshi ko‘tarilmoqda), sud tizimiga zo‘ravonlik qilib, adliya hay’atini mensimaslik, davlat pullarini o‘g‘irlab, odamlar ustidan zulm qilayotgan rasmiy elita foydasiga yirik mablag‘ talab qiluvchi loyihalarni manipulyatsiya qilish… bu va boshqa qator qilmishlarni Falastin rahbariyati rasmiy arab davlatlari tizimining bir mahsuli sifatida bajarmoqda. Chunki bu rahbariyat o‘zining tuzilishida ham, siyosiy strukturasida ham boshqa korruptsiyachi malay arab davlatlarning tuzilish va strukturasidan zarracha farq qilmaydi.
Shuning uchun, demak, haqiqatdan ham Falastin Ozodlik Tashkiloti rasmiy arab davlatlari tizimidan tug‘ilgan tabiiy buzuq mahsuldir. Zotan, rasmiy arab davlatlari tizimi esa, siyosiy, madaniy, harbiy, iqtisodiy sohalarda mustamlakachi kofir G‘arbga tobe tizimdir. Demak, shu jihatdan, tashkilot ham Amirliklar va Bahrayndan yoki boshqa har qanday korruptsion boshqaruv rejimidan aslo farq qilmaydi.
Shu o‘rinda bir narsani anglamoq lozim: Falastin Ozodlik Tashkilotini isloh qilishga bo‘lgan har qanday urinish muqarrar omadsizlikka olib boradi. Chunki bu tashkilot Ummat dushmanlari yasagan arab davlatlari tizimidan kelib chiqqandir.
Shu bois, Falastinning Hamas harakati bilan Islomiy Jihod harakati «isloh qilish va qayta qurish» da’vosi bilan bu tashkilotga a’zo bo‘lishga harakat qilmasligi kerak edi. Chunki buzuq va tobe arab davlatlari tizimidan kelib chiqqan bo‘lgani jihatidan bu tashkilotni isloh qilish amri mahol. Unga nisbatan egallamoq lozim bo‘lgan pozitsiya faqat uni vayron qilib, uning yovuzliklari, buzuqliklari va gunohlaridan qutulmoqdan iborat.
Roya gazetasining 2020 yil 7 oktyabr chorshanba kungi 307-sonidan
