Bishkekda saylov natijalarini tan olmagan muxolifat partiyalar mitingi boshlandi
Ular 5 oktyabrga o‘tar kechasi Oq-uyni bosib olishdi
Qirg‘izistonda navbatdagi hokimiyat ham quvg‘inga olindi. 4-oktyabrdagi saylov natijalaridan norozi bo‘lgan partiyalar boshchiligida uyushtirilgan namoishlar 5-oktyabrga o‘tar kechasi organ xodimlari bilan namoishchilar o‘rtasidagi to‘qnashuvlar natijasida oq uyni bosib olish bilan yakunlandi. Natijada xalq bosimi ostida sobiq prezident Almazbek Atambaev va yana Sadir Japarov, Ravshan Jeenbekov kabi bir qator siyosiy mahbuslar ozod qilindi. Hozircha hokimiyat qaysi kuch ta’siri ostida ekani ma’lum emas. Namoishchilar bilan organ xodimlari o‘rtasida keskin muomalalar hali ham davom etayapti. Partiya liderlari Jeenbekovni o‘z o‘rnida qolishiga va kuch organlari bilan ham hamkorlik o‘rnatilishi va ularga hech qanday bosim bo‘lmasligiga qaror qilishdi.
Har qanday prezident (diktator) ortida uni qo‘llab turgan etakchi guruh bo‘ladi, shu guruhning quvvati, ong sezimi va xalq oldidagi mavqe’i jamiyatda diktatorni quvvati bo‘lib namoyon bo‘ladi. Qirg‘izistonda prezident o‘rni emas aynan etakchi guruh quvg‘inga olinishi kutilyapti. Ya’ni prezident ortida turgan Matraimovlar oilaviy etakchi guruhi quvg‘inga olinish arafasida turibdi. Bu bilan etakchi guruh bir necha kuchlar o‘rtasida yangidan shakllanadi. Kuch struktura etakchilari, etakchi partiyalar, hukumat va mahalliy hokimlar ham tubdan yangilanadi.
Lekin shakli o‘zgargani bilan ma’no o‘zgarmaydi! Jeenbekov hokimiyatga kelganidan tortib Matraimovlar bilan Atambaev guruhi o‘rtasida qoldi. U Matraimovlarni tanladi va Atambaevdan bosh tortib, ularni qamoqqa oldi. Keyinchalik Matraimovlar bilan prezidentning ukasi Aslbek Jiyanbekovning guruhi o‘rtasida talash-tortishlar bo‘lib, saylov oldida prezident ikki guruh o‘rtasida qoldi. Har bir guruh prezidentni o‘z manfaati tomon tortib, uni boshqaruvda o‘z ta’siri ostida bo‘lishini xohlashar edi.
Yangi shakllanib kelayotgan guruh ham, ulardan o‘zgacha emas. Bular ham prezidentni o‘z ta’siri ostida, faqat o‘zlarining manfaati tomon yurishga majburlashmoqchi. Bu boshi berk ko‘cha bo‘lib, siyosiy kuchlar va partiyalar o‘z manfaatlari ro‘yobga chiqquniga qadar xalq kuchidan foydalanishadi. Hozir qochib borayotgan guruh ham avval xuddi hozirgilari singari xalqni aldash yo‘li bilan hokimiyatga kelgan edi. Yangi kelayotganlari ham, ko‘p vaqt o‘tmay avvalgilari singari zolimlarga aylanishadi.
O‘zgarishi mumkin bo‘lgan narsa faqat jamiyatning siyosiy tafakkuridir. Har safar hokimiyat almashgani sari jamiyatimizga G‘arb dunyoqarashiga mansub yoshlar kirib kelyapti. Bu esa, keyingi davlat ag‘darilishi Ukraina yoki Belorusiya variyanti singari davom etishi mumkin ekanidan darak beradi.
Bu demokratiya aqidasiga asoslangan kapitalistik boshqaruv sistemasining kasofati bo‘lib, xalqni hokimiyat, siyodat (xo‘jayinlik) egasi degan puch, yolg‘on asoslar bilan boshqaruv oqibatidan kelib chiqadi. Chunki hokimiyatni xalq boshqarishi amalda mumkin emas! U boshqaruvni saylov orqali shaxslarga topshirish huquqiga ega xalos. Siyodan ham xalqniki emas, u qonunniki bo‘lishi kerak. Qirg‘iz siyosatchilari ham dunyo siyosatchilari singari o‘z xalqini demokratiya bilan aldab, undan saltanatni buzuq saylovlar yo‘li bilan tortib olib, hokimiyatdan shaxslar, partiyalar va muayyan guruhlar manfaati ostida suiste’mol qilib kelishyapti.
Abdurazzoq Mo‘’min.
