بِسْمِ اللهِ الرَّحْمٰنِ الرَّحِيمِ
Tolibon salibchi Amerikaning o‘yinlarini hanuz anglab etmadimi?!
Al-Jazira veb-sayti (hijriy 1442 yil 24 muharram, milodiy 2020 yil 12 sentyabr shanba kuni) nashr qilgan xabarda bunday deyiladi:
«Bugun shanba kuni Qatar poytaxti Davhada Afg‘oniston hukumati bilan Tolibon harakati o‘rtasida tinchlik muzokaralari boshlandi. Ushbu xalqaro va regional darajadagi yirik anjuman Afg‘onistonda doimiy tinchlik o‘rnatish sari tarixiy va jiddiy qadam, deya baholandi.
Muzokaraning ochilish nutqida Tolibon harakatining siyosiy bo‘limi raisi mulla Abdulg‘ani Barodar – biz yurtda tinchlik va barqarorlik bo‘lishini istaymiz, xalqning barcha qatlamlari manfaati e’tiborga olinishi kerak va Afg‘oniston mustaqil davlat bo‘lishi shart, dedi.
O‘z navbatida, Davha anjumanida qatnashgan AQSh davlat kotibi Mayk Pompeo ham afg‘on xalqi qo‘lida yurt uchun yangi bir yo‘nalish boshlash bo‘yicha tarixiy imkoniyat mavjudligini aytib o‘tdi. U Tolibonning «terrorchi guruhlar»ni qabul qilmaslik majburiyatiga rioya qilganidan mamnuniyat bildirib, mening davlatim mustaqil, birdam va qo‘shnilar bilan ichki tinchlikda yashovchi Afg‘onistonni qo‘llab-quvvatlaydi, dedi».
Roya:
Tolibon harakati o‘tgan yigirma yil mobaynida Afg‘onistonning katta hududlarini egallashga va qator g‘alabalarni qo‘lga kiritishga muvaffaq bo‘lib keldi. AQShning bunday harbiy muvaffaqiyatsizligi uni Tolibonni muzokaraga tortishga majbur qildi, buni mag‘lubiyatdan qochish yo‘lida Afg‘oniston botqog‘idan chiqib olishning chorasi, deb bildi.
Tolibon harakati esa, Amerikaga va uning malayi afg‘on hukumatiga yon bermasligi, bunday nopok o‘yinga kirmasligi kerak edi. Buning o‘rniga, o‘z urushini davom ettirib, Amerikani rasvo va singan ahvolda yurtdan chiqib ketishga majbur qilishi lozim edi. Xususan, bu urush Amerika uchun eng uzun hisoblanar ekan, uning ketma-ket kelayotgan ichki krizislari Afg‘onistondan chiqib ketishga majbur qilayotgan edi.
Bu muzokaralarning tezda o‘z natijasini berishi amri mahol. Biroq Tolibon rahbariyati o‘zini o‘zi botqoqqa tiqqanligi aniq, chunki u bundan pok edi. Bu muzokaralar hargiz Tolibon foydasiga xizmat qilmaydi, faqat Amerika va uning mintaqadagi rejasiga xizmat qiladi. Bas, Tolibon harakati qachon salibchi Amerikaning tuzoqlarini anglab etarkin?!
Roya gazetasining 2020 yil 16 sentyabr chorshanba kungi 304-sonidan
