بِسْمِ اللهِ الرَّحْمٰنِ الرَّحِيمِ
Sudandagi o‘tish davri hukumatining kofir G‘arb davlatlariga va mustamlakachi tashkilotlarga navbatdagi xushomadgo‘yligi
«RT Arabic» veb-saytida (hijriy 1442 yil 3 muharram, milodiy 2020 yil 22 avgust shanba kuni) nashr qilingan xabarda bunday deyiladi:
«Sudan o‘tish davri hukumati raisi Abdulloh Hamduk o‘z hukumati Xalqaro jinoyat sudi bilan hamkorlik qilishga hamda urush jinoyati va genotsidda ayblanganlarni ushbu sud muassasasiga topshirishga tayyor ekanini ma’lum qildi.
U o‘zining o‘tish davri bosh vaziri lavozimiga o‘tirishining bir yilligi munosabati bilan shanba kuni qilgan murojaatida «Mening hukumatim Sudan xalqiga qarshi jinoyat qilganlarni javobgarlikka tortish uchun Xalqaro jinoyat sudi bilan hamkorlik qilishga to‘liq tayyor», dedi.
Televidenie orqali qilgan ushbu murojaatida Hamduk Sudanning terrorizmni qo‘llab-quvvatlovchi davlatlar ro‘yxatidan chiqarish uchun «katta qadamlar tashlagani»ni ta’kidladi.
Xalqaro jinoyat sudi tomonidan qidirilayotgan sudanlik siyosatchilar ro‘yxatiga sobiq prezident Umar Bashir ham kiritilgan. Sud muassasasi Bashirni 2003 yilda Sudanning g‘arbiy qismidagi Darfur mintaqasida 300 ming kishining o‘limiga va millionlab kishining ko‘chib ketishiga sabab bo‘lgan mojaro chog‘ida genotsid, etnik tozalash va insoniyatga qarshi jinoyatlar sodir etishda ayblamoqda».
Roya gazetasining 2020 yil 26 avgust chorshanba kungi 301-sonidan
