بِسْمِ اللهِ الرَّحْمٰنِ الرَّحِيمِ
Savohir arablarining nufuzli kishilari va urug‘lari oilani himoya qilish to‘g‘risidagi qonunni rad qildilar
2020 yil 18 avgust seshanba kuni Falastinning Savohir shaharchasining nufuzli kishilari va urug‘lari oilani himoya qilish to‘g‘risidagi qonunga norozilik bildirish uchun Saloma Shaqirot Oilasi devonida yig‘in o‘tkazdilar. Ma’lumki, Falastin rejimi bu qonunni vazirlar mahkamasiga taqdim qilib, ratifikatsiya qilishga harakat qilmoqda.
Yig‘in boshlovchisi Qur’oni Karim oyatlaridan tilovat qilish bilan ochgach, musulmon oilaga qarshi bunday zolim qonunning ba’zi qirralarini bayon qilib o‘tdi. So‘ng Saloma Shaqirot Oilasi devoni sohiblariga so‘z berdi. Ulardan Abu Jihod Shaqirot yig‘ilganlarni qutlab, bunday dedi:
«Ushbu devon barchaning xonadonidir. Ammo musulmon oilani buzishga qaratilgan bu qonun esa, barcha tomonidan rad etilgan. Bizni Islom tamsil etganmi, demak, yolg‘iz undangina qonun olamiz va bu qonunimizdan boshqa barcha shartnoma va qonunlar Islomga zid va marduddir…».
Keyin shayx Isom Amira so‘zga chiqib, musulmon oilani buzishni istaganlarga qarshi turishda Falastindagi urug‘lar va odamlarning vazni muhim ahamiyatga egaligi haqida gapirdi. Ularning musulmonni o‘z dinidan sug‘urib olishga qaratilgan bu qonun va boshqa qonunlarga sukut qilmasliklarini ta’kidladi. Shuningdek, bu urug‘lar va odamlar har qanday rejimga qarshi turishga qodirdirlar, dedi.
So‘ng janob Ibrohim A’raj so‘zga chiqib, bu qonun oldida har bir musulmonning tutgan pozitsiyasi va uni batamom rad etayotgani haqida gapirdi.
Keyin yig‘in ishtirokchilariga advokat ayol Zaynab Salfitiyning audioyozuvi qo‘yib eshittirildi. Salfitiy bu yozuvini yig‘ilishga yuborib, Savohir arablaridan ayni qonunga va CEDAW deklaratsiyasiga qarshi turishlarini hamda zino va buzuqlikni qonuniylashtiruvchi bunday narsalardan muslima ayolni himoya qilishlarini iltimos qilib, «men sizlardan ayni deklaratsiyadan va oilani himoya qilish (oilani buzish) qonunidan bizni himoya qilishni Alloh haqqi iltimos qilaman», degan edi.
Keyin Abu Muhammad Sorur so‘zga chiqdi. U CEDAW deklaratsiyasi va oilani himoya qilish to‘g‘risidagi qonunning Falastindagi urug‘lar va musulmonlar tomonidan inkor etilayotgani haqida gapirdi.
Keyin Jamil Zahoika so‘zga chiqib, ushbu qonunni butkul rad etdi va Savohir oilasining bu qonunga qarshi ekanini ta’kidladi.
So‘ng Abu Nizol Shaqirot so‘zga chiqib, «bizdan ayollar ayni qonundan qutqarishni so‘ramoqdalar, ularga aytar so‘zim – Adloh sizlarni kam qilmasin, bu qonun albatta rad etiladi, rad etiladi, rad etiladi…», dedi.
Keyin Himom A’raj ayolni himoya qiluvchi, unga adolat qilib, iffati va pokligini saqlovchi Islom ekani haqida gapirdi.
Abu Umar Jaofira bu qonunni dinimiz va urf-odatimizga yot, har tomonlama uni rad qilish va tan olmaslik lozim, dedi.
Abu Sulton Shuvaykiy, Honiy Abu Toyh va Ashraf Halsalar ham o‘z nutqlarida ushbu qonunni batamom qat’iy rad etishni ta’kidladilar.
Yig‘in Savohir arablari urug‘lari va ular bilan birga Quddusning nufuzli kishilarining yakuniy bayonoti bilan xotima topdi. Yig‘indagi har bir ishtirokchi ushbu yakuniy bayonotga imzo chekdi.
Roya gazetasining 2020 yil 26 avgust chorshanba kungi 301-sonidan
