بِسْمِ اللهِ الرَّحْمٰنِ الرَّحِيمِ
Ey Falastin rejimi!
Amirliklar, Misr va Iordaniyaning xiyonati bilan sening xiyonating o‘rtasida farq yo‘q!
Falastin rejimining g‘ayritabiiy ishlaridan biri shuki, u malay Misr rejimining yahudiy vujudi bilan munosabatlarni normallashtirishdek xiyonatini Falastin masalasi uchun xavfli deb bilmaydi-da, ammo Amirliklar xiyonatini xavfli deb biladi! Vaholanki, Misr rejimi qirq yildan beri xiyonat qilish bilan boshqa musulmon yurtlaridagi hukmdorlarning kirishi uchun xiyonat darvozalarini lang ochib qo‘ygan!
Bu rejim Amirliklarni jinoyat va xiyonatda ayblamoqda-yu, biroq o‘zining jinoyat va xiyonatlarini go‘yo unutganday. Zotan, bu rejim bosqinchi vujud bilan munosabatlarni normallashtirish va u bilan «muqaddas» xavfsizlik bo‘yicha muvofiqlashish xiyonatini chorak asrdan beri sodir etish orqali boshqa har bir xoin davlatlarga o‘z xiyonatini tabarruk qilib qoldirdi. Hatto bu rejim bosqinchi bilan munosabatlarni normallashtirish bosqichini muvaffaqiyatli o‘tkazib, endi u bilan siyosiy, iqtisodiy va xavfsizlik sohalarda hamkorlik qilish bosqichiga o‘tganini ham go‘yo unutgandek. Falastin rahbari har qanday imkoniyatni qo‘ldan boy bermay, Shabak xizmati rahbari bilan uchrashishga va u bilan 99 % masalada kelishib olib ishlashga zo‘r berib kelmoqda!
Falastin rejimi yahudiy vujudi bilan munosabatlarni normallashtirishga qarshiligi hamda Falastin va uning ahlini qizg‘anib, qaror chiqarish o‘z qo‘lida ekani haqidagi iddaolari haqiqatdan rost bo‘lsa, u holda, yahudiylar bilan tuzilgan barcha xoinona kelishuvlarni bekor qilsin, Iordaniya va Misrdagi elchilarini chaqirib olsin, yahudiy vujudi bilan bo‘lgan barcha turdagi muvofiqlashuvlarni amaldan to‘xtatsin. So‘ng Falastinning xaloskor armiyalardan nusrat talab qilishini baralla e’lon qilib, yahudiy vujudi bilan munosabatlarni normallashtiruvchi ruvaybizalarning barchasini la’natlasin. Biroq bunday qilishi qayoqda, axir, u mana shu kelishuvlarning qonidan dunyoga kelgan bo‘lsa!
Roya gazetasining 2020 yil 26 avgust chorshanba kungi 301-sonidan
