بِسْمِ اللهِ الرَّحْمٰنِ الرَّحِيمِ
Rossiya Liviyada AQSh manfaatlarini ta’minlashda davom etmoqda
Al-Jazira veb-sayti (hijriy 1441 yil 18 zulhijja, milodiy 2020 yil 8 avgust shanba kuni) nashr qilgan xabarda bunday deyiladi:
«Bizning Al-Jazira manbalarimizning ta’kidlashicha, Liviyaning neftga ixtisoslashgan rayoni Ras-Lanuf portidagi Rossiyaning «Vagner» kompaniyasidan bo‘lgan qurolli shaxslar Ras-Lanuf shahridagi neft-kimyo zavodi atrofiga «S-300» rusumli zenit-raketa tizimini joylashtirishgan. Manbalarimizga ko‘ra, «Vagner» kuchlari ayni tizimni zavoddan 250 metr masofaga o‘rnatishgan. Ma’lumki, o‘tgan kunlar mobaynida bu kuchlar suriyalik jangarilar va iste’fodagi general Xalifa Haftarga qarashli liviyalik qurolli kuchlar bilan birgalikda zavodni egallab olishgan edi. «Vagner» kuchlari Ros-Lanuf zavod ichkarisidagi tsexlarda suriyalik jangarilar va liviyalik qurolli kuchlarga harbiy mashqlar va darslar berishmoqda».
Roya gazetasi sharhi:
Amerika Liviyada Britaniyaning mustahkam qo‘rg‘onini yorib kirishga muvaffaq bo‘ldi, u o‘nlab yillardan beri yo‘liga ulkan to‘g‘onoq bo‘lib kelgandi. Ayniqsa, bu muvaffaqiyatga uning malayi Xalifa Haftar 2019 yil 12 dekabrda Tripoliga navbatdagi hamlasini qilganda erishdi. O‘shanda Haftar kuchlari poytaxt Tripoli markazigacha ilgarilab, u da’vo qilgandek «hal qiluvchi jang»a kirgan edi. Bu Rossiyaning «Vagner» kompaniyasi jangarilarining aralashuvi va yordami bilan amalga oshgan. «Vagner» Putinga yaqin bo‘lgan va Rossiya armiyasi bilan hamkorlik qilib, uning nopok topshiriqlarini amalga oshiradigan kompaniya.
Liviyadagi musulmonlar ahvoli boshqa musulmon yurtlardagi ahvoldan farq qilmaydi. Darhaqiqat, bugun Rosululloh ﷺning ko‘ppaklar yaloqqa yopirilib tashlangani haqidagi so‘zlari bizga to‘g‘ri kelyapti. Sonimiz ikki milliardga yaqinlashib qolgan esa-da, biroq xuddi sel ko‘pigiga o‘xshaymiz. Nima uchun, chunki Allohning mustahkam arqonini ushlamay qo‘ydik. Shuning uchun kuch-qudrat, izzat va ulug‘likka qayta erishishimizning yolg‘iz bir yo‘li bor. U ham bo‘lsa, Islom asosida birlashib, bizga Haq Subhanahu buyurgan davlat bo‘lmish Payg‘ambarlik minhoji asosidagi roshid Xalifalik davlatini barpo etish yo‘lidir.
Roya gazetasining 2020 yil 12 iyul chorshanba kungi 299-sonidan
