بِسْمِ اللهِ الرَّحْمٰنِ الرَّحِيمِ
Livanda yana tartibsizliklar va norozilik namoyishlari boshlandi
Bi-Bi-Si veb-sayti (hijriy 1441 yil 22 shavvol, milodiy 2020 yil 13 iyun shanba kuni) nashr qilgan xabarda bunday deyiladi:
«Livanda mahalliy valyuta qiymatining pastlab ketishiga sabab bo‘lgan og‘ir iqtisodiy krizisga qarshi namoyishlar fonida namoyishchilar bilan politsiya kuchlari o‘rtasida ketma-ket ikki kecha to‘qnashuvlar yuz berdi.
Mamlakat shimolidagi Tripoli va poytaxt Bayrutda namoyishchilar politsiyaga tosh va mushaklar otishdi, politsiya esa, ularga qarshi ko‘zdan yosh oqizuvchi gaz va rezina o‘qlarini qo‘lladi.
Ma’lumki, o‘tgan yil oktyabr oyidan beri Livan lirasining AQSh dollariga nisbatan qiymati 70 %ga tushib ketgan. Ammo hukumat kelasi dushanbadan bozorga dollar kiritish to‘g‘risida qaror qabul qilganidan so‘ng, juma kuni lira bir oz o‘z qiymatini ushlab turdi. Bu Livan valyutasida yuz berayotgan dahshatli qulash azob-uqubatlarini engillatish maqsadida tashlangan qadam edi».
Roya gazetasi sharhi:
Shubhasiz, bu krizisning sababchisi Livan hukumati va oldingi hukumatlarning korruptsiya va sudxo‘rlik qarzlariga botganligidir. Ammo hukumat ayni haqiqatdan jamoatchilik e’tiborini chalg‘itish maqsadida «birja bozori chayqovchilari va valyuta kontrabandachilarini ta’qib qilish uchun xavfsizlik chora-tadbirlari», degan narsani o‘ylab topdi. Bundan tashqari, «moliya va pul-krediti holatlaridagi o‘zgarishlarni kuzatib borish uchun moliya vaziri boshchiligida «krizis yacheykasi», degan narsani tuzdi. Go‘yo muammoni bir nechta pul almashtiruvchilarni jazoga tortish orqali hal qilish mumkinday. Vaholanki, davlat uzoq vaqtdan beri o‘z daromadlarining yarmini xalqaro kredit banklariga qarz sifatida to‘lab kelmoqda… qolgan yarmining asosiy qismi ham korruptsiyachi rahbarlar cho‘ntagiga tushyapti. Bu kimsalar o‘nlab yillardan beri hukumat ichiga xavfsizlik xizmati himoyasi ostida in qurib olishgan.
Roya gazetasining 2020 yil 17 iyun chorshanba kungi 292-sonidan
