Rossiyada koronavirusga chalinganlar soni 50 mingdan oshdi
Rossiyada koronavirus infektsiyasini yuqtirib olganlar soni ayni paytda 52 ming 763 kishini tashkil etmoqda. Bu haqda Koronavirus infektsiyasi tarqalishiga qarshi kurash bo‘yicha tezkor shtab ma’lum qiladi.
Ozodlikning rus xizmati xabariga ko‘ra, COVID-19 virusiga chalinganlarning eng ko‘pi Moskva shahridadir (29 mingdan ziyod).
Kasallik tarqala boshlaganidan beri bu mamlakatda 456 kishi qurbon bo‘lgan, 3 ming 873 kishi sog‘ayib ketgan.
Hozirda koronavirusga chalinish holatlari Rossiyaning barcha mintaqalarida qayd etilgan.
Tahlil: Lukoshenko Rossiya ishlab chiqqan testlar haqida, kasallikni to‘g‘ri aniqlash darajasi bor-yo‘g‘i 30% ga teng dedi.
“Radio svoboda” tele-ko‘rsatuvida, Rossiyada juda ko‘p testda kasal deb topib ro‘yxatga olinayotgan odamlar ichida, hech qanday kasallik alomatlari ko‘rinmagan yoki keyin ham kasallik tasdiqlanmagan hollari juda ko‘p ekani haqida aytildi. Rosprednadzor “ha preparat koronavirus ko‘rsatganlar ichida virusga tabiiy immuniteti bor odamlar ham uchrab turibdi, biz ularning qonlaridan antivirus ishlab chiqishda foydalanayapmiz”, deb izoh berdi.
Lekin Rossiyaning test aparati boshqaruv rejimining siyosiy manfaatiga xizmat qilishi mumkin. Preparat vaziyatga ko‘ra mamlakatda virus ko‘lamini nazorat qila olish imkoniyatini beradi. Har qanday rejim aparatdan foydalanib fuqorolarni mamlakatda uy qamog‘iga olishi yoki mamlakatni butunicha yoxud bir qismini izolyatsiya lageriga aylantirib olishi mumkin. Chunki test xohlagan odamini jamiyat uchun xavfli virus tashuvchi unsurga aylantirib bera oladi, garchi u odamda kasallik alomatlari ko‘rinmasa ham, hatto umuman yo‘q bo‘lgan taqdirda ham. Biroq, buning uchun rejim, odamlar orasida pandemiya psixologik matbuot vahima tarqatish kurashini toboro kuchaytirib boraverishi kerak bo‘ladi.
Rossiyada tezlik bilan ishlab chiqilgan bu test aparati rus xalqining siyosiy jamoiy noroziliklarni oldini olish uchun Putinning rejimiga juda katta imkoniyatlar beradi. Bundan xulosa qilish mumkinki, koronavirus vahimasi Rossiyada uzoq muddatga cho‘zilishi kutilayapti!
Shu kunlarda Rossiya O‘zbekistonga ham, minglagan test aparatlari sovg‘a qildi. Tarixda sobiq sovetlar ittifoqi tarkibiga kirgan boshqa davlatlarga ham etkazib bermoqchi. Ortidan Putin o‘sha davlatlarni, shu kunlarda boshimizga tushib borayotgan illatlardan birgalikda qutilish yo‘llarini izlashga chaqirib o‘tdi. Matbuotlar uning bu chaqirig‘ini “Putin SSSRni qayta tikkalashga harakat qilmoqchi” degan fikr bilan keng talqin qilib borishmoqda.
Nima bo‘lganida ham, Rossiya ham, Putinning rejimi ham, pandemiyadan ichki va tashqi siyosatida imkon qadar kengroq foydalanib olishga harakat qilishadi!
Abdurazzoq Mo‘’min.
