بِسْمِ اللهِ الرَّحْمٰنِ الرَّحِيمِ
Zurufiy avvalgi korruptsiyachilardan farq qilmaydi
Ularning barchasi u yoki bu mustamlakachi davlatga yollangan malaylardir
Al-Jazira net veb-saytida (hijriy 1441 yil 23 rajab, milodiy 2020 yil 18 mart chorshanba kuni) nashr qilingan xabarda shunday keladi:
«Zurufiyning taklifiga izoh sifatida, AQSh Davlat kotibi Mayk Pompeo tvitterdagi yozishmada – iroqliklar Iroq suverenitetini qo‘llab-quvvatlaydigan, asosiy ehtiyojlarini ta’minlaydigan, korruptsiyaga aralashmagan va inson huquqlarini himoya qiladigan hukumat bo‘lishini istaydilar, dedi.
Muvaqqat bosh vazir ayni manfaatlarni birinchi o‘ringa qo‘ysa, albatta Amerika va xalqaro qo‘llab-quvvatlovga muyassar bo‘lajakdir, deya qo‘shimcha qildi Pompeo».
Roya gazetasi sharhi:
Adnon Zurufiy 1991 yil Saddam Husaynni ag‘darish uchun qilingan «Sha’boniya intifozasi»ning muvaffaqiyatsizlikka uchrashi ortidan Iroqdan qochgan va Amerikaga hijrat qilib, u erda 2003 yilgacha yashagan kimsadir. So‘ng Iroq bosib olingandan so‘ng qaytgan. Iroqdagi Amerika ishg‘ol etgan ma’muriyat rahbari Pol Bremer uni Najafga mer qilib tayinlagan edi. Keyin mansabdan bo‘shatgan. U haqda korruptsiyachi degan gaplar yuradi va unga Najaf viloyati potentsiallaridan o‘zining shaxsiy manfaatlari yo‘lida foydalanganlik ayblovi qo‘yilgan. U Najafda ko‘plab fitna va nizolarni keltirib chiqargan. Viloyat ahli undan juda zada bo‘lgan. Bir necha mansablarga ko‘tarilib, so‘ng 2018 yildagi saylovlardan so‘ng parlamentda deputatlik mansabiga o‘rnashib qoldi.
Pompeoning AQSh va xalqaro qo‘llab-quvvatlov uchun qo‘yayotgan shartlariga e’tibor bersangiz, uning quruq yolg‘ondan boshqa narsa emasligiga amin bo‘lasiz. Pompeo qanday suverenitet va inson huquqlari haqida gapiryapti, qanday korruptsiyadan xoli hukumat to‘g‘risida aljirayapti?! U Iroqni bosib olgan o‘z kuchlarning chiqib ketishiga rozi bo‘ladimi?! Iroq va boshqa musulmon yurtlarida musulmonlarni kim xorladi?! Xalqaro terrorizmning boshi bo‘lgan uning davlati emasmi?!
Roya gazetasining 2020 yil 25 mart chorshanba kungi 279-sonidan
