بِسْمِ اللهِ الرَّحْمٰنِ الرَّحِيمِ
Hizb ut-Tahrir – Turkiya viloyati Istanbul-Pendikda «Oila va Jamiyat» konferentsiyasini o‘tkazdi
«Islom oila, avlod va jamiyatni himoya qiladi» kampaniyasi doirasida joriy yil 2 fevral yakshanba kuni Istanbulda Hizb ut-Tahrir – Turkiya viloyati konferentsiya o‘tkazdi.
«Oila va jamiyat» nomli ushbu konferentsiyada ko‘pchilik musulmonlar yig‘ildi. Konferentsiyani olib boruvchi Serhan Ertash hozir bo‘lganlarni kampaniya bilan qisqacha tanishtirib o‘tgach, Burak Bolta Qur’oni Karim oyatlaridan tilovat qildi. So‘ng yozuvchi Muso Boyo‘g‘li birinchi ma’ruzani taqdim etdi. U o‘z nutqida xalqaro shartnomalarning zararli oqibatlari haqida so‘z yuritib, CEDAW konventsiyasi va Istanbul kelishuvi kabi barcha turdagi kelishuvlarni hamda Turkiya qabul qilgan 6284 sonli qonunni qoraladi. Shuningdek, bugungi jamiyatga salbiy ta’sir ko‘rsatayotgan barcha muammolarning islomiy echimlarini taqdim etdi.
Ikkinchi ma’ruzani olim va islomiy yozuvchi Abdulloh Imomo‘g‘li qildi. U o‘z nutqida Islomning qanday qilib musulmon jamiyatini rivojlantirishi mumkinligi haqida so‘zladi. Imomo‘g‘li bugungi Ummat zimmasida og‘ir mas’uliyatlar borligini yoritib, o‘tmishda Ummat qanday muvaffaqiyatlar qozongani haqida tarixiy misollar keltirdi. Shuningdek, bu yutuqlarning Payg‘ambarlik minhoji asosidagi roshid Xalifalik barpo etilishi orqali qayta ro‘yobga chiqajagini ta’kidladi.
Roya gazetasining 2020 yil 19 fevral chorshanba kungi 274-sonidan
