بِسْمِ اللهِ الرَّحْمٰنِ الرَّحِيمِ
Xo‘jayinning zarbasi boshqa, qulning zarbasi boshqa!
Abu Hamza Xutvoniy
Amerika shu oy boshida Eronning Iroqdagi jangarilariga qaqshatqich zarbalar yo‘lladi… Askarlar va xalq safarbarligi jangchilaridan iborat Eronga qarashli o‘nlab harbiy halok bo‘ldi. Amerika bu zarbalarda Qosim Sulaymoniyni nishonga oldi… Sulaymoniy Eron Inqilob qo‘riqchilarining Quddus gvardiyasi qo‘mondoni edi. Shuningdek, ayni zarbada Sulaymoniyning xalq safarbarligi guruhidagi o‘rinbosari muhandis Abdulg‘ani ham nishonga olindi.
Bu zarbalarga javoban Eron ham AQShning Anbardagi harbiy bazasiga va Iroq shimolidagi Arbil shahrida joylashgan harbiy bazasiga bir nechta raketa zarbalari yo‘lladi… Raketalarning hammasi bo‘shliq erlarga tushib hech qanday zarar keltirmadi… Bitta ham amerikalik askar yoki uning harbiy uskunasi ziyon ko‘rmadi.
Eron Amerikaning adovatiga mana shu javob kifoya, deb hisobladi. Javob ortidan uning tashqi ishlar vaziri Muhammadjavod Zarif – agar Amerika vaziyatni murakkablashtirmasa, biz mavzuni shu erda yopamiz, dedi. Tramp ham Eron bombalaridan birorta amerikalik askar ziyon ko‘rmaganini bildirib, Amerika Sulaymoniyni o‘ldirish bilan Eronni jazoladi, chunki bu kimsa AQSh elchixonasiga qarshi yomon niyatlarni ko‘ngliga tukkan edi, dedi. Shu tarzda Amerikaning mutakabbirligi faqat qilingan ishlar uchun emas, balki niyatlar uchun ham hisob so‘rash va o‘ldirib yuborish darajasiga etdi.
Biz agar Amerikaning Eronga yo‘llagan zarbasi bilan Eronning Amerikaga yo‘llagan zarbasini solishtirib ko‘radigan bo‘lsak, Amerika zarbasi xo‘jayinning zarbasi, Eron zarbasi esa, qulning zarbasi bo‘lganiga guvoh bo‘lamiz. Bu farqni quyidagi punktlarda kengroq anglash mumkin:
1 – Zarba operatsiyasini boshlagan ham, uni yolg‘iz o‘zi bajarishga qaror qilgan ham, buning uchun munosib obьekt va vaqtni tanlagan ham Amerikadir. U ayni operatsiyasini hech kim bilan maslahatlashmadi, hatto NATOdagi eng yaqin ittifoqchisi Angliyani ham zarbadan xabardor qilgani yo‘q.
2 – Buning muqobilida, Eron reaktsiya sifatida intiqom zarbasi yo‘lladi va zarbasidan oldin vositachilar orqali ayni qarorini Amerikaga etkazdi, ehtiyot choralarini ko‘rib olsin uchun. Masalan, zarba yo‘llanishdan oldin bu haqda Iroq bosh vaziri Odil Abdulmahdiy bilardi, bu haqda u bayonot berdi. Shuningdek, bu zarbadan Tehronda AQSh manfaatlari uchun xizmat qilayotgan shveytsariyaliklar ham xabardor bo‘lishgan. Bundan tashqari, amerikalik harbiy manbalar ham zarba haqida Eron rejimidan ma’lumot olishgan va Eron manbalari ham buni inkor etishmagan. Aksincha, ayrim eronlik rasmiylarning o‘zlari – zarba haqida qasddan amerikaliklarga xabar qilishganini, ulardan birortasining o‘lishi yoki yaralanishini istashmaganini, aytishdi.
3 – Amerika Eron va mintaqadagi o‘z malaylariga ommaviy axborot vositalari orqali «mujda» yubordi. Ushbu tahdid va ta’zir ohangidagi mujda – Amerikaning malaylaridan birortasi Sulaymoniyga o‘xshab, uning qizil chizig‘idan chiqadigan bo‘lsa, uni shafqatsiz va qonli o‘lim kutadi, bu malaylar Amerikaning kerak bo‘lganda foydalanib, istagan paytda uloqtirib yuboradigan bir vositasi, xolos, o‘rniga boshqa malaylar kasb qilaveradi, degan ma’noni anglatadi.
4 – Eronning o‘z javob zarbasiga nisbatan axborot vositalarida yo‘llagan mujdasiga kelsak, bu ham ichki afkori ommaga, ham AQSh va G‘arbga qaratilgan mujda bo‘ldi:
a) Ichki afkori ommaga:
Eron o‘zidagi jamoatchilikka quruq-soxta xabarlarni etkazib, Amerika ustidan nusrat quchganini da’vo qildi hamda «qarshilik», deyayotgan kuchlarga etakchilik qilishda davom etishini bildirdi… Amerika, yahudiylar vujudi, Amirliklar va Saudiyani yo‘q qilish bilan bog‘liq subutsiz iboralar ishlatdi.
b) AQSh va G‘arbga:
Eronning AQSh va G‘arbga yo‘llagan mujdasida tom ma’noda xorlik, itoatgo‘ylik va taslim bo‘lish yaqqol ko‘rinib turdi. Eron mintaqadagi AQSh manfaatlariga ziyon etkazish niyatida bo‘lmagani, hatto Qosim Sulaymoniyda bo‘lgani kabi, shaxsiy xato ham sodir etmoqchi emasligini namoyon qildi. Amerikaning ta’zir beruvchi mujdalariga har qancha shafqatsiz bo‘lsa ham rozi ekanini bildirib, Amerika bilan birgalikda musulmon jangchi jamoalarga va «terrorizm» dastagi ostida islomiy tashkilotlarga qarshi kurashni davom ettirishini ta’kidladi.
Mana, birinchi Amerikaning xo‘jayinlik zarbasi va ikkinchi Eronning qullik zarbasi. Birinchisi mustaqil erkin zarba, ikkinchisi, mute qullik zarbasi.
Shunday qilib, ayni hodisalar «qarshilik harakati», deyilayotgan tayanchning ko‘pik ekanini fosh etdi. Mudom, Eron ayni tayanchning xor nomard etakchisi bo‘lib, Amerikaning qaqshatqich zarbalarini shu darajada itoatgo‘ylik va olqish bilan qabul qilayotgan ekan hamda katta qo‘mondonlari o‘ldirilsa ham, munosib javob qaytarolmayotgan ekan, u holda, unga ergashayotganlarga nima deyish mumkin?!
Eron rahbariyati munosib javob qaytarishga nafaqat ojiz ekanini isbotladi, balki, Amerika rejalarini amalga oshirishda musulmonlarning Suriya va Iroqdagi qo‘zg‘olonlariga qarshi til biriktiruvdan aslo to‘xtamasligini ham yana bir bor tasdiqladi.
Bas, yahudiylar vujudiga qarshi jangda bizga yordam beryapti, deya Eronga hamon ishonayotganlar, haqiqatni bilib qo‘ysinlar. Haqiqat shuki, ayni maqsadda Eronga ishonib orqa qilishlari yolg‘on va sarobdan boshqa narsaga olib bormaydi. Eron siyosiy qadamlarini Amerika bilan kelishmagan holda tashlamaydi. Kechagi kundagi to‘rtta bitim biz uchun etarli ibratdir. Ilgari Eron Iroq va Afg‘onistonda ham Amerikaga hamma davlatdan vafodorroq ekanini ko‘rsatgan. Bugun ham Eronning nopok missiyasi musulmonlar qo‘zg‘olonini tiriklayin ko‘mish va qonxo‘r Asad kabi tog‘utlarni qo‘llab-quvvatlashdan iborat bo‘lyapti.
Barchaga aytar so‘zimiz shuki, to Payg‘ambarlik minhoji asosidagi ikkinchi Xalifalik davlati barpo etilmas ekan, Islom Ummatining ham borligi-mavjudligi ko‘rinmaydi. Shunday ekan, Islom va musulmonlarga yordam bermoqchi bo‘lgan har bir kishi, ushbu davlatni barpo etishga harakat qilsin. Chunki AQSh va boshqa kofir davlatlarga qarshi turishga, Falastin va boshqa bosib olingan hamda zaif bo‘lib turgan islomiy yurtlarni ozod etishga, yolg‘iz Xalifalik davlati qodirdir. Rosululloh ﷺ
«ثُمَّ تَكُونُ خِلَافَةً عَلَى مِنْهَاجِ النُّبُوَّةِ»
«Keyin Payg‘ambarlik minhoji asosida Xalifalik bo‘ladi», deya hozirgi zolim podshohlik zamonidan so‘ng albatta qayta barpo bo‘lishi haqida bashorat qilgan davlat ham ushbu Xalifalik davlatidir.
Roya gazetasining 2020 yil 15 yanvar chorshanba kungi 269-sonidan
