Uchinchi davlatlardan olib kiriladigan avtomobillarga bojxona to‘lov miqdori oshirildi
2020-yilining 1-yanvardan boshlab Evroosiyo iqtisodiy ittifoqiga a’zo bo‘lmagan davlatlardan olib kiriladigan avtomobillarga belgilangan boj to‘lov miqdori ko‘tarildi.
Qirg‘iziston davlat bojxona xizmatining bildirishicha, masalan 2009-yili chiqqan “tayota kamri” avtomobiliga boj to‘lami 1250 dollor bo‘lgan bo‘lsa, 2020-yilining 1-yanvardan boshlab 13600 dollorga ko‘tarildi. To‘lovlar o‘n barobardan ziyod ko‘tarildi.
2019 yil 18-noyabrda Moskvada o‘tgan Evroosiyo komissiyasi yig‘ilishida uchinchi dunyo davlatlaridan kirgan avtomobillarga boj ko‘lamini avvalgi engil holida qoldirish bo‘yicha Qirg‘izistonning iltimosi ittifoqdoshlari tomonidan rad qilingan edi.
Tahlil: Odatda rivojlangan davlatlar ichki bozordagi yirik korxonalarini tashqi raqiblardan himoya qilish maqsadida, import mahsulotlarini olib kirilishiga har tomonlama to‘siqlar qo‘yishadi.
Qirg‘iziston o‘zining mashinasozlik tarmog‘iga ega emas. U hatto tashqi investitsiya orqali kirgan qo‘shma avtomobilsozlik zavodiga ham ega emas. Demak yuqoridagi qonunda ham, avvalgilari singari Qirg‘izistonga tegishli hech qanday manfaat yo‘q! Bundan so‘ngra Qirg‘iziston davlatining ham, fuqorolarining ham yashash saviyasi yanada tasayishi kutiladi.
Evroosiyo bo‘ylab o‘tadigan bu qonunda faqat Rossiyaning siyosiy va iqtisodiy manfaatlari mavjud. Siyosiy tomoni – u O‘zbekiston, Tojikiston va Xitoy singari davlatlarga shu qonun orqali iqtisodiy bosim yasashga urinadi. Iqtisodiy tomondan mamlakatidagi axlatga aylanib borayotgan eski mashinalardan tozalanib oladi. Shu bilan birga kundan kunga nochor ahvolda tushib borayotgan milliy mashinalarining savdosini yurgizib olishni ko‘zlayapti.
Abdurazzoq Mo‘’min.
