بِسْمِ اللهِ الرَّحْمٰنِ الرَّحِيمِ
NATO hamda uning etmish yillik tug‘yon, zulm va adovati
Abu Hamza Xutvoniy
2019 yil 4 dekabrda Britaniya poytaxti Londonda Shimoliy Atlantika Shartnomasi Tashkiloti (NATO) tashkil topganining etmish yilligi munosabati bilan ayni tashkilotga a’zo davlatlar sammiti bo‘lib o‘tdi. Ma’lumki, NATO 1949 yil AQSh va Kanadadan iborat Atlantika davlatlari tomonidan, shuningdek, Turkiya hamda aksar kapitalistik G‘arb davlatlari tomonidan Sovet Ittifoqining kuchayish xavfiga qarshi tuzilgan. O‘shanda Sovet Ittifoqi Sharqiy Evropada rekord darajada sur’at bilan kengayib, u erlarda kommunizmni tatbiq qilayotgan edi. Keyin Sovet Ittifoqi 1955 yil o‘ziga tobe kommunistik davlatlar bilan birgalikda bir alьyansga (Varshava shartnomasiga) asos solib, Polьsha poytaxti Varshavani uning qarorgohi etib tayinladi. So‘ng, kommunizmni kuch bilan o‘tkazgan Sharqiy Evropa davlatlarini ushbu alьyansga qo‘shib oldi. Ikkinchi Jahon urushidan so‘ng olam ikki lagerga bo‘lindi: AQSh etakchiligi ostidagi NATOga a’zo kapitalistik davlatlar lageri va Sovet Ittifoqi etakchiligi ostidagi Varshava shartnomasi davlatlari lageri.
1991 yil Sovet Ittifoqi parchalandi va Rossiya kommunizmdan kapitalizmga o‘zgardi, Varshava shartnomasi buzilib, amal qilishdan to‘xtadi va kommunizm xavfi yo‘q bo‘ldi. NATOga a’zo davlatlarga qarshi hech qanday tahdid ham, NATOni mavjud bo‘lishini oqlovchi birorta sabab ham qolmadi. Bu tashkilotni tarqatib yuborish va xalqaro lagerlar holatiga yakun yasash kutila boshladi.
Biroq, AQSh G‘arb davlatlari bilan birga bunday qilmadi, NATOni tarqatish o‘rniga, unga yangi dushmanni-Islomni o‘ylab topdi hamda NATOni tarqatmaslikni shu bilan oqladi. Bu haqda Varshava shartnomasi barbod bo‘lishi ortidan NATO bosh kotibi Villi Klaas bayonot berdi. Bayonotida u endi G‘arb dushmani kommunizm o‘rniga Islom kelganini aytib, islomiy fundamentalizm G‘arb qarshisidagi eng katta xavfga aylandi, dedi. Bu haqda shu mazmunda ko‘plab g‘arblik etakchilar gapirishgan, Genri Kissinjer ham shular jumlasidan.
Shunday qilib, demak, kommunizm ag‘darilgandan so‘ng G‘arb dushmani o‘z-o‘zidan Islom bo‘lib qoldi. To‘g‘ri, bundan oldin ham Islom G‘arb dushmani bo‘lgan. Ammo bu dushmanlik endi xalqaro harbiy koalitsiya va nizomlar suratida bo‘ldi. Masalan, NATOning Bosniya va Gertsegovina, Iroq, Afg‘oniston va Liviyaga nisbatan agressiyalari uning musulmonlarni qattiq yomon ko‘ruvchi mustamlakachilik missiyasi mavjudligini ko‘rsatadi.
1991 yildan so‘ng NATO ochiq va bevosita Islomning salibchi dushmaniga aylandi va shu asosda kengaya boshladi. Masalan, Ruminiya, Bolgariya, Polьsha, Vengriya kabi sobiq Sovet Ittifoqi hukmi ostida bo‘lgan Sharqiy Evropa davlatlari NATOga qo‘shildi. Bugun unga a’zo davlatlar soni yigirma to‘qqiztaga etdi va yana ko‘payishi kutilmoqda.
NATOga a’zo davlatlar bilan, unga asos solgan davlatlar o‘rtasida Islomga qarshi kurashda kelishmovchilik yo‘q. Biroq, NATOni qay uslubda boshqarish kerak va unga sarf-xarajat qancha hajmda bo‘lishi lozim kabi masalalarda ular o‘rtasida ixtilof mavjud. Misol uchun, AQSh Evropa davlatlaridan NATOga bo‘lgan o‘z moliyaviy hissasi hajmini ko‘proq qilishini istaydi. Frantsiya esa, AQSh va Angliya bilan bir qatorda yuqori etakchilik mavqeini egallashga intilmoqda hamda NATOdan chiqib ketish va uning o‘rnini egallaydigan Evropa Ittifoqi armiyasi yadrosini yaratish bilan tahdid qilmoqda. U haqiqatda ham 1969 yilda Sharl de Goll davrida undan chiqib ham ketgan, so‘ng bir necha kundan so‘ng qaytib kirgan.
Yaqinda Londonda bo‘lib o‘tgan NATO sammitidan oldin Frantsiya prezidenti Makron bilan AQSh prezidenti Tramp o‘rtasida tortishuv va janjal yuz berdi. Makron AQShning NATOga bo‘lgan etakchiligiga e’tiroz bildirib, NATOning bosh miyasi o‘lganini, Amerika NATO oldidagi o‘z vazifalarini bajarmayotganini aytgan edi. Unga javoban Tramp bunday dedi: «NATO buyuk missiyani bajarmoqda. AQSh Evropani birinchi va ikkinchi Jahon urushlaridan buyon mudofaa qilib kelmoqda va buning uchun undan moliyaviy to‘lovdan boshqa narsani talab qilmayapti. Makronning bu bayonoti jirkanchli hamda NATOni juda obro‘sizlantiruvchi bayonotdir. Vaholanki, NATOdan eng ko‘p foydalanayotgan Frantsiya bo‘ladi. NATOning o‘rnini bosadigan Evropa armiyasini tashkil qilish Evropa davlatlari qo‘lidan kelmaydi».
Keyin Turkiya prezidenti Erdogan NATOni himoya qildi va Makronga hujum qilib, «aftidan, NATOning, emas Makronning bosh miyasi o‘lgan ko‘rinadi», dedi. Buning hayron qoladigan eri shundaki, Erdogan Makronga raddiya bildirish bilan o‘zining mana shu NATO tomonidan nishonga olingan bir musulmon yurtning rahbari ekanini unutgan ko‘rinadi. Chunki Turkiya NATOga a’zo bo‘lgan ekan, uning erlaridan AQSh bilan G‘arb davlatlari kuchlari muhim strategik mavqe sifatida foydalanib kelishyapti, shu orqali Islomga dushmanlik qiluvchi NATO maqsadlari amalga oshyapti… AQSh samolyotlari Turkiya bazalaridan ko‘tarilib, musulmon farzandlari ustidan tinimsiz havo hujumlarini amalga oshiryapti. Agar Erdogan mustaqil qaror egasi bo‘lganda edi, Islom va musulmonlarga ashaddiy dushman bo‘lmish bunday alyansdan darhol chiqib ketgan bo‘lardi. Zotan, NATO Iroq, Afg‘oniston va boshqa musulmon o‘lkalarida qancha-qancha qatli omlar sodir etdi?! Serbiyada Tarixda kam uchraydigan qirg‘inni sodir etib, Gollandiya ittifoq kuchlari yordamida Srebrenitsada bir necha kunning o‘zida 8000 musulmonni qirib tashlagan ham NATO bo‘ladi.
Bugungi kunda NATOning mavjudligi nafaqat musulmonlarga, balki butun insoniyatga qarshi jinoyatdir. U mustamlakachi davlatlarning takabbur harbiy guruhi. U zaif xalqlarga zulm va zo‘ravonlik qilish asosida harakatlanadi hamda mustamlakachilikning yangi bir ko‘rinishini saqlab turish uchun tug‘yon va adovat bilan shug‘ullanadi.
Shuning uchun ertaga barpo bo‘lajak Islom davlati zudlik bilan bu Alyansni buzib tashlashi va qayta tashkil topishini oldini olishi shart. Chunki NATOning tashkil topishi, yana butun dunyoning harbiylashtirilishini hamda doim zo‘rlar bechoralarni ezib yashovchi o‘rmon qonunini zo‘rlab o‘rnatilishini anglatadi.
Insonlarga ezgulik ulashish adolat davlatini barpo etishsiz amalga oshmaydi va adolat davlatigina barcha xalqlar bilan o‘zining odil qonun va tuzumlari yordamida muomala qiladi. Ushbu davlat ming yildan ziyod davrlik tajribasida o‘zini ko‘rsatdi va bu davr mobaynida uning fuqarolaridan birortasi ham shaxsni tasdiqlovchi hujjat muammosidan shikoyat qilmagan. Uning bag‘rida hech kim zulm va ajratish, degan narsani his etmadi. Shubhasiz, ushbu davlatni butun olam orzu qilmoqda va albatta, u butun insoniyatga adolat tashuvchi Payg‘ambarlik minhoji asosidagi ikkinchi roshid Xalifalik davlatidir.
Roya gazetasining 2019 yil 18 dekabr chorshanba kungi 265-sonidan
