بِسْمِ اللهِ الرَّحْمٰنِ الرَّحِيمِ
CEDAW konventsiyasini imzolash gunohi kabira bo‘lib, Alloh va Rosuliga urush e’lon qilishdir
Falastin ichki ishlar vazirligi vakili Yusuf Harb CEDAW konventsiyasi bilan bog‘liq o‘quv kursini ochib berdi. U kursda hozir bo‘lganlarga Falastin bosh vaziri Muhammad Shtaening salomini etkazar ekan, Falastinning 2014 yil 1 aprelda CEDAW konventsiyasiga qo‘shilganligi bizga Falastin davlati sifatida, erkak va ayollar o‘rtasida tenglik o‘rnatish va ayollarga nisbatan barcha turdagi kamsitishni to‘xtatish hamda ularning huquqlarini himoya qilish majburiyatini yukladi, dedi. O‘z navbatida, BMTning Falastindagi markaziy direktori Maris Gimond ichki ishlar vazirligining ayni markaz bilan bo‘lgan hamkorligini olqishladi. U Falastin davlatidan faxrlanishini, chunki u Yaqin Sharqda qator konventsiyalarga, shu jumladan, CEDAW konventsiyasiga ikkilanmay qo‘l qo‘yganini ta’kidladi.
Shulardan kelib chiqqan holda, Hizb ut-Tahrir – muborak Falastin zamini matbuot bo‘limi o‘z sahifasida bayonot nashr qilib, ayni hodisaga quyidagicha izoh berdi:
«Falastin rejimi o‘zining bu qilmishi bilan gunohi kabiraga botdi hamda Alloh va Rosuliga urush e’lon qildi. Uning jinoyati shu darajada kattaki, hatto kofir G‘arbni ham ayni jinoyatdan faxrlantirib yubordi. Zotan, bu konventsiyaning atigi bitta bandiga imzo chekilishining o‘zi G‘arb uchun ulkan yutuqdir. Chunki bu uning Islomga zid keladigan va ahkomlariga qarshi kurashadigan asosga bino bo‘lgan konventsiyadir, Falastin rejimi bo‘lsa, uning to‘liq hamma bandini imzoladi… G‘arb bularni yaxshi tushunib turibdi!». Izohda quyidagilarga diqqat qaratildi:
«Falastin rejimining ayol kishiga taalluqli Islom ahkomlariga qarshi kurashda tayyor qurol bo‘lishga ikkilanmay rozi bo‘layotgani G‘arb va uning malaylari yo‘lini osonlashtirdi. Endi, G‘arb Falastin ahliga o‘z saqofati va qonunlarini takabburlik bilan, hech qanday to‘siqsiz tiqishtiraveradigan bo‘ldi. Buning ustiga, rejim feministik tashkilotlarni rozi qilish uchun shu darajada fidoiylik ko‘rsatdiki, bu narsa tashkilotlarning o‘z zahri qotillarini sochib, bemalol izg‘ib yurishi uchun yurt darvozalarini lang ochib beradi». Bayonot so‘nggida Falastin ahliga quyidagicha murojaat yo‘llandi:
«Siz Falastin ahli, G‘arbning sizga va Islomingiz ahkomlariga qarshi kurashiga o‘zini qurol qilib berayotgan bu rejimga qarshi haq so‘zini baralla aytmog‘ingiz hamda ayollaringiz va ularning nomuslariga qarshi naqadar ulkan fitna to‘qilayotganini anglamog‘ingiz darkor. Buni rejim, G‘arb va xotin-qizlar tashkilotlari oilalaringizni buzib, vayron etmaslaridan va nomuslaringizni poymol qilmaslaridan oldin anglab eting. Aks holda, vaqt kech bo‘lib, nadomatlar foyda bermay qolishi mumkin».
Roya gazetasining 2019 yil 18 dekabr chorshanba kungi 265-sonidan
