بِسْمِ اللهِ الرَّحْمٰنِ الرَّحِيمِ
Adan Riyoz bitimi uchun qurbonlar beriladigan suiqasdlar shahriga aylanib qoldi!
Doktor Abdulloh Bozib
Adan shahri yana suiqasdlar tegirmoniga aylanib qoldi. Bir haftaning o‘zida qurbon bo‘lgan zobit va askarlar soni o‘n bittaga etdi. («Balqis» fazoviy telekanali). Bu tegirmon har kuni to‘xtamay ishlayapti. Adan har kuni yangi-yangi qotillik bilan tong ottirib, qurbonlar sonini aniq sanolmay qoldi. Bunday xoinona amaliyotlarni hech bir tomon o‘z zimmasiga olgani yo‘q. Uning ziyoni esa, «Abdurobbih Hodiy qonuniyligi», deb atalayotgan narsaga tobe bo‘lgan Yaman janubidagi kishilarga etyapti. Ba’zan «o‘tish davri kengashi»ga tobe kishilar ham suiqasdlardan omon qolmayapti. Riyoz bitimini tatbiq qilishga mutasaddilik qilgan Saudiya xavfsizlik qo‘mitasiga kelsak, u ikki tomon qurbonlari sonini sanashdan boshqasini bilmaydi!
Riyoz bitimi nizolashayotgan tomonlar o‘rtasini tinchitish uchun o‘tkazilgan edi. Tomonlardan biri «Abdurobbih Hodiy qonuniyligi» tarafdorlari bo‘lib, bevosita Britaniya tarafidan qo‘llab-quvvatlanadi, ikkinchisi, o‘tish davri kengashi bo‘lib, Janubiy Yaman shaharlarini, jumladan, Adanni nazorat qiluvchi Amirliklarning asrandilari hisoblanadi. Tomonlar o‘rtasida siyosiy janjallar va otishmalar to‘xtamadi va nihoyat qonuniylikni qo‘llab-quvvatlovchi, deya atalayotgan koalitsiya etakchisi Saudiya aralashdi. Ommaviy axborot vositalarining qattiq olqishlovi va Riyozning Ibn Salmon erishgan «yutuq»larni qo‘llab-quvvatlashi manzarasida ikki tomonni Riyozga to‘pladi. Ibn Salmon yutuqlari esa, nizolashayotgan ikkala tomonni Riyoz bitimiga imzo chekishga go‘yo majburlay olganlikda gavdalanadi. Chunki bu bitim o‘tish davri kengashini Hodiyning qonuniyligi doirasiga kirishga, unga isyon qilmaslikka undaydi. Amerika bitimga yuksak baho berdi. Ibn Salmonga ko‘ra, bitim Yamanda umumiy siyosiy echimga etaklar emish. Odamlar ham Adanda hayot normal holatga qaytadi, hukumat yangidan tuziladi, deb taxmin qilishdi… Ammo bularning birortasi yuz bermadi. Bil’aks, bugungi kunda Adan suiqasdlar shahriga aylanib qoldi. Odamlar tunni ham, tongni ham yangi suiqasd xabari bilan qarshilaydigan va qotil ham, qurbon ham adanliklarning o‘zidan chiqadigan bo‘lib qoldi!
Shubhasiz, bu suiqasdlar mas’uliyati Riyoz bitimini tatbiq qilishga nazoratchi bo‘lgan xavfsizlik qo‘mitasi sohibi Saudiya gardaniga tushadi. Aynan Saudiya Adandan Amirliklar kuchlari chiqib ketishi ortidan u erga namoyishkorona suratda o‘z kuchlarini olib kirdi. Shuning uchun suiqasdlarni amalga oshirganlarning maqsadi, Riyoz bitimini tatbiq etilishini oldini olish yoki hech bo‘lmaganda, Saudiyaning tatbiq qilishiga to‘sqinlik qilishdan iborat. Biroq suiqasdlar qurbonlari ikki tarafda ham borligini e’tiborga olganda, demak, bu amaliyotlarda ikkala tomonning ham qo‘li bor. Maqsad, Saudiyaning Riyoz bitimi bandlarini tatbiq qilishiga yo‘l bermaslik. Chunki bu bitim Saudiyani Hodiy hukumati ustidan nazoratchi qilib qo‘yib, hatto Husiylar bilan siyosiy muzokara olib boruvchi delegatsiyani ham nazorat qilishiga olib boradi. Bitimning Saudiya tomonidan olqishlanayotgani hamda Tramp tomonidan muborakbod qilinayotgani shunga dalolat qilmoqda.
Biroq «Abdurobbih Hodiy qonuniyligi» tarafdorlari va Amirliklar asrandilari Riyozning bunga osonlikcha erishishini istashmayapti. Shuning uchun ular Saudiya va uning ortidagi Amerikaning Riyoz bitimini amalga oshirishlariga to‘sqinlik qilish maqsadida suiqasdlar qilib, vaziyatni taranglashtirish yo‘liga o‘tishdi. Bu bilan Amerikaning Husiylarni Yaman hokimiyatining bir bo‘lagiga aylantirishga olib boruvchi siyosiy echimini zo‘rlab o‘tkazishiga ham to‘siq qo‘yildi. Amerikaning bu niyati haqida Saudiya tashqi ishlar vaziri Odil Jubayr «Husiylar kelajakda Yaman hokimiyatining bir bo‘lagiga aylanajak», deya bayonot bergan.
Shuning uchun bugun Saudiya bilan Husiylar o‘rtasidagi so‘zlashuvlar yashirin emas, oshkora so‘zlashuv bo‘lib qoldi. Aftidan, ikki tomonning oshkor qilishi kutilayotgan qandaydir bir kelishuv borga o‘xshaydi. Biroq Adandagi angliyaparastlar to‘sqinligi tufayli Saudiya bilan uning orqasidagi Amerika Riyoz bitimini amalga oshirishga muvaffaq bo‘lisholmayapti.
Ammo bularning qayg‘uli tomoni shundaki, G‘arb bizning yurtlarimizda o‘z manfaatlarini mustahkamlashni rejalashtiryapti. Biz esa, farzandlarimiz bilan uning bu rejasini qonlarimizni to‘kib bo‘lsa ham ijro etmoqdamiz!!!
Ey Yaman ahli!
Yaman inqirozining yagona echimi zudlik bilan jangga kirishib, G‘arb va uning tobelarini bu masalangizdan chiqarib tashlash va birodarlar o‘rtasidagi muammolarni Islom aqidasida keltirilgan shar’iy ahkomlar bilan hal etishdan iborat. Ana shunda oqizilayotgan qonlarimiz to‘xtaydi, boyliklarimiz himoya qilinadi, hurmatimiz saqlanadi va bizdan Xoliq Subhanahu rozi bo‘ladi. Buning uchun esa, Payg‘ambar ﷺning bashoratlarini ro‘yobga chiqarish uchun ul zotning minhoji asosidagi ikkinchi roshid Xalifalikni barpo etish orqali Xoliqning ahkomlarini tatbiq qilish lozim.
Roya gazetasining 2019 yil 11 dekabr chorshanba kungi 264-sonidan
