بِسْمِ اللهِ الرَّحْمٰنِ الرَّحِيمِ
Yahudiylar adovatiga chek qo‘yish va Falastinni ozod etishga Islom Ummati va uning armiyalarigina qodirdir
Bohir Solih. Hizb ut-Tahrir – muborak Falastin zamini matbuot bo‘limi a’zosi
O‘tgan chorshanba kuni erta tongda bosqinchi yahudiy vujudi G‘azo ahliga qarshi yana hujum qildi… Birinchi, Falastindagi Islomiy Jihod harakatining harbiy qanoti bo‘lgan Quddus brigadalari qo‘mondoni Baho Abu Ato bilan uning rafiqasiga suiqasd qildi… Alloh ikkalasini ham rahmat qilsin. So‘ng Damashqda Akram Ajuriyga suiqasd uyushtirdi va uning o‘g‘lini o‘ldirdi. Buning ortidan G‘azoda uy-joylarni bombardimon qilib, vayron qildi, o‘nlab insonni shahid qildi, yana o‘nlabini jarohatladi… Falastin qarshilik guruhlari otgan raketalarga javob sifatida, ochiq-oydin, tinimsiz tahdidlar qildi. Bularni arab olamiyu Islom olamidagi hamma hukmdorlar ko‘rib-eshitib turishdi. Bu ham kamlik qilib, yuzsizlik va takabburlik bilan jangchi guruhlarga Misr hukmdorlari orqali tahdid mujdasi yubordi. Ikki kun o‘tib, har safargidek, o‘t ochishni to‘xtatish bitimini tuzishga erishildi. Vaholanki, uning ayni hujumlari 34 insonning shahid bo‘lishiga, 100dan ortiq kishining esa, yarador bo‘lishiga olib keldi.
Agar bu bosqinchi vujudga hukmdorlar, ayniqsa, qo‘shni davlatlar hukmdorlari tomonidan omonlik berilmagandi edi, shunchalik darajada jinoyatlar sodir etib, Falastin ahlini qirg‘in qilishga, guruhlarga qattiq bosim qilib, takabburlik bilan ularga tahdid maktublarini jo‘natishga jur’at qilolmagan bo‘lur edi. Nega ham bu vujud shu darajada haddan oshmasin, axir, u hukmdorlarning faqatgina qoralovchi bayonotlarni berib qo‘yishayotganini yoki ikki tomon o‘rtasida urushni to‘xtatish bo‘yicha vositachilik qilishdan nariga o‘tishmayotganini ko‘rib turgan bo‘lsa… Go‘yo ular betaraf davlat rahbarlaridek, turishibdi! Vositachilik qilayotganlardan boshqalari esa, yo o‘liklardek jim yotishibdi yoki tinchlanishga, g‘azabni bosishga va javob qaytarmaslikka chaqirishyapti!
Musulmon yurtlaridagi bu arabu ajam hukmdorlar tutgan mavqe haqiqatni ming bor isbotladi. Haqiqat shuki, Falastin va boshqa bosib olingan yurtlar boshdan kechirayotgan zulm va tug‘yonga, xoh qarshilik hukmdorlari bo‘lsin, xoh mo‘’tadil hukmdorlar bo‘lsin, farqsiz, mana shu hukmdorlar sababchidir.
Masalan, Eron har doimgi tahdidli bayonotlarini takrorlab, o‘rnida qimirlamay turibdi… Yahudiylar vujudini bir soatdayoq er yuzidan supurib tashlashga qodirligi bilan bir necha bor maqtandi, biroq yana sabr kosasi tugayotganini aytishdan nariga o‘tmayapti… Go‘yo bosqinchilarning shuncha jinoyatlari Eronning sabr kosasi to‘lib toshishiga va gapdan amalga o‘tishiga kifoya qilmaydiganday!
Erdogan Turkiyasi esa, anavi jinoyatchi Tramp bilan do‘stona uchrashuv o‘tkazish bilan juda band. Chunki u bilan Shomdagi guruhlar va hujumlar borasida pozitsiyalarini muvofiqlashtirib olmoqchi. Yahudiylar jinoyatlariga nisbatan esa, harakat qilish u yoqda tursin, quruq gaplar bilan bayonot berib qo‘yishga ham vaqti etmayapti. U bir necha kun oldin Ismoil Haniya va Mahmud Abboslar bilan telefonda so‘zlashib, Falastindagi holat va belgilangan saylovlar borasida ularning ko‘ngillarini ko‘tarishga vaqt topa oldi.
Qonxo‘r Bashar Asad bilan Eronning Livandagi Hizbiga kelsak, ular o‘z odatlariga muvofiq, Shomdagi ahlimiz boshiga poroxli bochkalar yog‘dirish, ayollar, bolalar va qariyalarni qirg‘in qilish hamda yaqinda boshlangan Livan qo‘zg‘oloniga qarshi til biriktirish bilan bandlar… Ularning yahudiylarga javob qaytarish yoki takabburliklariga chek qo‘yish to‘g‘risida esa, o‘ylab ko‘rishga ham vaqtlari yo‘q.
Misr va Qatar hukmdorlariga kelsak, bu ikkovi o‘zlarining tahdid va ogohlantiruvlari hamda mollariyu fitnalari yordamida G‘azo ahli va guruhlarga qarshi til biriktirish borasida barcha davlatlardan ham ko‘proq mashg‘ul!
Yana bir tomondan olganda, yahudiylar agressiyasi yana shuni ham isbotladiki, qarshilik harakati aytilayotganidek bosqinchilarga qo‘rquv solishi mumkin bo‘lsa ham, biroq yahudiylar takabburligiga chek qo‘yib, ularni ildizi bilan qo‘porib tashlashga qarshilik harakatining o‘zi etarli emas. Chunki yahudiy vujudi qachon ehtiyoj sezdi deguncha adovat jinoyatlarga tashabbus ko‘rsatib, G‘azoda qirg‘in, vayronagarchilik va terror, Quddusda oyoq osti qilish, yahudiylashtirish va o‘ldirish, G‘arbiy sohilda qotillik, tahqirlov, uy-joy qurish va asrga olish kabi qilmishlarni sodir etyapti… U o‘zini shayton vasvasasiga solib qo‘yadigan kuchli real javob bo‘lmasligini aniq bilganligi uchun ham ayni jinoyatlarni sodir etyapti.
Shubhasiz, bu bosqinchi vujud jinoyatlari va kibriga yakun yasovchi real shar’iy javob ushbu muborak Falastin tanasiga bakteriya bo‘lib tushgan yahudiy vujudini ildizi bilan olib tashlash bilan bo‘ladi. Buning uchun esa, qonga-qon va jonga-jon bilan javob qaytaruvchi haqiqiy kuch kerak. O‘rtacha echim tenglamasi ham, «to‘qnashuv qoidalari» asosida bitim tuzish ham kifoya qilmaydi, balki, buning uchun yahudiy vujudini faqat va faqat tubdan supurib tashlash kerak.
Keti uzilmayotgan bu qonxo‘rlik va bosqinchilikni to‘xtatish uchun, masalani asliga, Falastinni real voqeligiga qaytarmoq lozim. Chunki Falastin Islom Ummati masalasidir. Uning butun aholisi musulmonlardir. Falastinning kuch-qudrati esa, ushbu zaminni ozod etish bilan anavi yahudiylar ortidagilarni ham quvib sola oladigan son-sanoqsiz mard islomiy armiyadir.
Shuning uchun albatta Islom Ummati va uning armiyalaridan nusrat talab qilmoq, Payg‘ambarlik minhoji asosidagi Xalifalikni barpo etib, muborak zaminni ozod etish uchun ularga murojaat qilmoq lozim. Shuningdek, anavi hukmdorlarga ishonishni bas qilish kerak. Chunki ularning hammasi G‘arbga do‘st, Ummatga esa, dushmandirlar. Garchi mustamlakachi G‘arb stsenariysi bo‘yicha ularning roli bir-birinikidan farq qilsa-da, biroq barchasi faqat bitta reja bo‘yicha qadam tashlashadi. Bu – Ummatning mustamlakachilik kishanidan xalos bo‘lishiga yo‘l qo‘ymaslik rejasidir.
Roya gazetasining 2019 yil 20 noyabr chorshanba kungi 261-sonidan
