بِسْمِ اللهِ الرَّحْمٰنِ الرَّحِيمِ
Demokratik siyosatda odamlar manfaatiga qarab o‘tirilmaydi
Hizb ut-Tahrir – Pokiston viloyati matbuot bo‘limi nashr qilgan bayonotda bunday deyiladi:
«Demokratiyadagi siyosatda odamlar manfaatiga qarab o‘tirilmaydi. Balki bu rasmiy guruhlar o‘rtasidagi bir kurash o‘yinidir.
Yangi Bajva-Imron rejimi shaffof bo‘lish, poraxo‘rlikka barham berish va fuqarolik davlatining oliy ideallariga amal qilish kabi da’volarni ko‘tarib chiqdi. Biroq shunga qaramay, Xalqaro Valyuta Fondiga butkul yon berdi, bosib olingan Kashmirga xiyonat qildi… Hatto avvalgi rejim ham bugungisidan yaxshiroqqa o‘xshab ko‘rinadigan bo‘lib qoldi!».
Bayonotda Pokistondagi demokratik muxolafatchi partiyalarning rejimdan farq qilmayotganiga, chunki ularning omadsiz demokratiyaga umid ko‘zi bilan boqishayotganiga diqqat qaratilar ekan, quyidagilar bayon qilindi:
Biroq Islomdagi siyosat demokratiyadagi siyosatdan batamom boshqacha. Masalan, demokratiyadagi siyosatda – urushda ham, tinchlikda ham hamma narsaga ruxsat berilgan. Ya’ni, shaxslarga ham, guruhlarga ham o‘z manfaatini amalga oshirishda istagan vositadan foydalanishlariga qo‘yib beriladi… Bunday siyosatda odamlar har qancha qirilib ketsa ham, o‘liklari ustidan e’tiborsiz ketilaveradi. Demokratiyadagi siyosat «mumkinotlar fani»dir, chunki unda axloqiy va printsipial normalardan voz kechiladi va bu siyosat ayni sifati bilan Islomdagi siyosatga butunlay teskaridir. Chunki ushbu buyuk dinimizda siyosat – anbiyo alayhissalomlar sunnati-qonuniga ergashishdan iborat bo‘lib, eng yuqori martabadagi ibodatdir. Islomda siyosat Ummat ishlarini islomiy shariat yordamida boshqaradi hamda Islom davlatida muxolafat va muxolafatchi partiyalar, degan narsa bo‘lmaydi. Bu esa, davlat ichkarisida guruhlar o‘rtasidagi jangga keskin barham beradi. Buning o‘rniga, Islomda har bir partiya shariat qoidalariga amal qilishi shart. Chunki maqsad, Alloh Subhanahu va Taolo amrlari bilan hukm yuritish hamda ma’rufga buyurib, munkardan qaytarishdir. Har bir shaxslar va partiyalar Xalifalikni va xalifani mustahkamlashga bir yoqadan bosh chiqarib harakat qiladilar hamda Alloh nozil qilgan ahkomlar bilan boshqarmagan holatida undan hisob talab qiladilar. Shuning uchun qudrat va yordam ahli Payg‘ambarlik minhoji asosidagi roshid Xalifalikni barpo etish uchun Hizb ut-Tahrirga nusrat yordam bermoqlari zarur. Chunki dunyodagi repressiv rejimlarni larzaga keltiradigan va Islomni qaytadan xalqaro maydonga olib chiqadigan birdan bir davlat faqat Xalifalik davlatidir.
Roya gazetasining 2019 yil 13 noyabr chorshanba kungi 260-sonidan
