Razakov: Sox anklavini Oʻzbekiston bilan tutashtirgan yoʻl ochilgani yoʻq
Qirgʻiziston hududidagi Sox anklavini Oʻzbekiston bilan tutashtiruvchi Sox – Rishton yoʻli ochilgan yoʻq. Bu haqida Qirgʻizistonning bosh vazir oʻrinbosari Jenish Razakov maʼlum qildi. Uning aytishicha bu yoʻlning ochilishidan oldin qilinishi kerak boʻlgan bir qancha ishlar bor.
– Belgilangan hudud ochilishidan avval qilinadigan ishlar juda koʻp. Birinchi navbatda Yevroosiyo iqtisodiy uyushma shartlari bajarilishi kerak. Bu uyushma tarafidan Qirgʻizistonga yuklatilgan majburiyatlar bor. Jumladan veterinarlik, fitosanitariya xavfsizlik shartlari bajarilishi kerak. Shu shartlar bajariladigan ish choralarni amalga oshirmay turib yoʻlni ocha olmaymiz. – dedi Razakov.
Shu kungacha “Ozodlik” oʻzbek xizmati tomonidan Soxni Oʻzbekiston bilan bogʻlagan yoʻl ochilish marosimining video tasmasini tarqatgan edi. Unda oʻnlagan Oʻzbekiston va Qirgʻiziston bayroqlari koʻtarilib, Qirgʻiz fuqorolari xam ishtirok etishgan.
Izox: Qirgʻiziston xam Oʻzbekiston xokimiyati xam, biror ichki ishi yoki oʻzaro munosabatlaridagi aloqalarini, halqlari manfaatidan kelib chiqib amalga oshira olishmaydi. Ular Yevrozes yaʼni Rossiya, BMT yaʼni Amerika kabi halqaro mavqega ega yirik davlatlar manfaati yoki koʻrsatmalari asosida ish yuritishadi.
Ikki davlat oʻrtasidagi sunʼiy chegaralar xar ikki davlat uchun ham, ularning fuqorolari uchun ham ulkan zararlar olib kelayotgani hamda ulkan manfaatlar qoʻldan boy berilayotganiga asosiy sabab boʻlayotgani xech kimga sir emas. Ular oʻz oʻrtalaridagi chegaralarni yoʻq qilishsa davlat va halqlar uchun juda katta moddiy, iqtisodiy va maʼnaviy boylik imkoniyatlar eshigi ochilar edi. Lekin bu davlat yetakchilari halqaro globallashgan olamiy boshqaruv sistemasi ostida xukm olib borishadi. Faqat yirik davlatlar manfaatini ximoya qiluvchi olamiy qonunlarga yoki ularning mahfiy koʻrsatmalariga rioya qilib, hiyonat yoʻlini tutgan holda oʻz halqini – barcha xarakatimiz sizlar uchun va sizlarning manfaatlaring uchun deb aldab kelishadi. Ular oʻzaro chegaralarni olib tashlash, iqtisodiy rivoj garovi boʻlgan ogʻir sanoatni rivojlantirish, dushmandan oʻz yurtini ximoya qilish uchun xarbiy qurol va tehnika ishlab chiqarish tarmogʻini yoʻlga qoʻyish kabi ishlar haqida fikr yuritishdan ham qoʻrqishadi.
Razakov “Evroosiyo ittifoqi shartlariga rioya qilamiz”, deb xalqning xavfsizlik jihatini asos qilib, fitosanitariya labaratoriyasi yoʻqligini roʻkach qilyapti. Vaholangki Qirgʻiziston tomonida chegara shartlarini anglatuvchi maxsus nazorat maslamalari, tikonli simlar yoʻq, hatto umuman chegaraning oʻzi yoʻq! Umuman Qirgʻiziston atrofida yoʻllarnigina toʻsuvchi chegara postlaridan boʻlak maxsus chegara toʻsiqlarining birorta koʻrinishi mavjud emas!
Mamlakatga tashqaridan kirib kelayotgan oziq ovqat mahsulotlarining birortasi fitosanitariya labaratoriya koʻrigidan oʻtgan emas. Demak bu mahsulotlar sifati va xavfsizligiga ishonch yoʻq! Masalan Rossiyadan kirib kelayotgan juda koʻp oziq ovqat mahsulotlarning isteʼmol muddati oʻtib ketgan, ular yangidan qadoqlanib, yoki oʻsha boʻyicha kirib kelayapti. Ularni tekshiradigan labaratoriya boʻlmasa, xavfsizlik jihatidan ularga taʼqiq qoʻyilishi kerak. Lekin ish xalq xavfsizligi asosida borayotgani yoʻq! Ular oʻz manfaatlari uchun xalq manfaatini niqob qilib olishdi xolos!
Abdurazzoq Moʻʼmin
