Yoshlar 18 yoki 21 yoshdan emas, balki 15 yoshdan siyosatda ishtirok etishi hamda bu ish demokratik taʼlim asosida emas, balki Islom hukmlariga muvofiq boʻlishi lozim
Malayziya parlamenti 2019 yil konstitutsiyadagi ovoz berish yoshini 21 yoshdan 18 yoshga tushirish toʻgʻrisidagi qonunga oʻzgartirish kiritdi. Bu qonunni parlamentning barcha aʼzolari qabul qildi. Bosh vazir Mahatxir Muhammad tomonidan taqdim etilgan qonun loyihasi parlamentning quyi palatasi “Devan Rakyat” tomonidan birinchi oʻqishdayoq qabul qilindi. “Devan Rakyat” raisi Dotun Muhammad Orif Muhammad Yusuf parlamentning (oʻsha majlisda ishtirok etgan) 211ta aʼzosi ushbu qonun loyihasini qarshiliksiz qabul qilganini eʼlon qildi. Ushbu qonun loyihasi konstitutsiyadagi 47 moddaning (b) bandi va 119 moddaning (a) bandiga oʻzgartirish kiritishga qaratilgan. Unga koʻra, fuqarolarning ovoz berish va parlamentga aʼzo boʻlish yoshi 21 yoshdan 18 yoshga tushiriladi.
Parlamentning barcha aʼzolari konstitutsiyaning ayrim qonunlariga oʻzgartirish kiritishga rozi boʻlganlaridan keyin, parlamentdagi barcha partiyalar Qurʼon va Sunnatdan yuqori turadigan federal konstitutsiya yurtdagi eng oliy qonun ekaniga kelishib olishdi. Boshqacha aytganda demokratik saylovlarda bellashadigan partiyalar mustamlakachilar tuzib bergan konstitutsiyadan foydalanishadi va uni himoya qilishadi. Bu esa, 200 yilcha oldin yurtni mustamlaka qilib olgan kofir Britaniya yutugʻidir. Ular oʻz mustamlakalarini tashlab chiqib ketar ekanlar, oʻzlarining “Kitobini” tashlab chiqib ketishdi. Ular mustamlakalarning mana shu kitobini yaxshilab avaylab, unga imon keltirganlari uchun shu bugunga qadar ularning mustamlakasi saqlanib kelmoqda.
Shunday ekan bir savol tugʻiladi, parlament aʼzolari saylovlarda ishtirok etish huquqiga ega boʻlgan shaxs eng kamida 18 yosh boʻlishi lozim deb ovoz bergan paytda ularning orasida shariat hukmini hisobga oladigan biror musulmon topilmadimi? Islomda shaxs mukallaf boʻlishi uchun 18 yoshga toʻlishi shart emas. Boshqacha aytganda, Islom musulmonning bir ishni qilish yoki qilmasligini belgilash uchun balogʻat yoshini 18 yosh qilib belgilamaydi. Balki Islom ayollarning balogʻat yoshini hayz koʻrishiga qarab, erkaklarni esa ehtilom boʻlishiga qarab belgilaydi. Erkaklar 15 yoshga toʻlishi balogʻat yoshiga yetganligining alomatidir. 15 yoshga toʻlgan har bir musulmon mukallaf hisoblanadi va unga yuklangan har qanday taklifni bajarishi vojib boʻladi. Balogʻat yoshiga yetishidan oldin goʻdak yoki mukallaf boʻlmagan shaxs hisoblanadi.
Ammo shaxs 18 yoshga toʻlganidan keyin balogʻat yoshiga yetgan hisoblanadi degan gap Gʻarb qonunshunoslarining gapidir. Malayziyalik qonunshunoslar ham demokratik taʼlimga mos ravishda mazkur fikrga ergashishmoqda. Boshqacha aytganda ular Qurʼon va Sunnat hukmlarini qonun loyihasi qilib ushlash oʻrniga oʻz aqllariga suyanishmoqda. Sharʼiy dalillarga suyanadigan boʻlsak, Islom shaxs boligʻ va mukallaf boʻlishi uchun eng oxirgi yosh 15 yosh boʻlishi lozim deb belgilaydi. Ibn Umar roziyallohu anhu aytadi: “Uhud jangida Rosulullloh ﷺga yoʻliqqanimda 14 yoshda edim, lekin u kishi ﷺ meni jangga chiqishimga ruxsat bermadi. Ammo Xandaq jangida, yaʼni 15 yoshimda yoʻliqqan edim, jangga qatnashishga ruxsat berdi”. Nofeʼ aytadi: “Umar ibn Abdulazizning Xalifaligi davrida u kishi huzuriga kirib, shu hadisni aytib bergan edim, U: Mana shu yosh goʻdaklik va balogʻat oʻrtasidagi chegaradir”, dedi. Muslim rivoyati.
Turli partiyalar, xususan yoshlar konstitutsiyaga kiritilgan oʻzgartirishni olqishladilar. Shunday boʻlsada biz, yaʼni Hizb ut-Tahrir – Malayziya viloyati aʼzolari har bir musulmon, xususan yigitlarga eslatmoqchimizki, Islomga koʻra balogʻat yoshi 18 yoshdan emas 15 yoshdan boshlanadi. Parlament sizlarni 18 yoshdan boshlab siyosat bilan shugʻullanishingiz mumkin deb qaror chiqardi. Islom esa, sizni 15 yoshdan boshlab siyosat bilan shugʻullanish mumkin deb hisoblaydi. Chunki Islom sizni 15 yoshingizda boligʻ deb hisoblaydi. Siz yana shu narsani yaxshi bilingki, siz shugʻullanishingiz lozim boʻlgan siyosat sharʼiy siyosat (islomiy siyosat)dir. Siyosatning haqiqiy maʼnosi bugungi demokratik nizomda belgilangan makiavellizm siyosati bilan shugʻullanish emas, balki Ummatning ichki va tashqi ishlariga eʼtibor qaratishingizdir.
Ey yoshlar! Bilasizmi bugungi demokratik nizomdagi siyosat nifoq, ifloslik va xiraliklar bilan toʻla. Bundan tashqari u kofir Gʻarbdan olingan. Bilasizmi, demokratik nizom Gʻarbda paydo boʻlgan kufr nizomidir, musulmonlar uni qabul qilishi, u bilan shugʻullanishi va uni yoyishi haromdir. Bilasizmi, sizning siyosiy masʼuliyatingiz qonun loyihasida yoritilganidek saylovda qatnashish va nomzodini qoʻyishdangina iborat emas. Balki siyosiy masʼuliyatingiz bundan yuksakroq boʻlib, u hukumatni muhosaba qilish va maʼrufga buyurib, munkardan qaytarish hamda Allohning hukmlarini toʻla tatbiq qiladigan Paygʻambarlik minhoji asosidagi Xalifalik davlatini tiklash uchun faoliyat qilishdir. Mana shu sizlarning doimiy siyosiy masʼuliyatingiz boʻlib, u sizga balogʻat yoshiga toʻlganingizdan beri farzga aylangan. U sizga “har besh yil” yaʼni saylovlarda kerak boʻladigan narsa emas. Bilasizmi, sizlarga farz qilingan siyosiy faoliyat Allohning dinini barcha dinlar ustidan gʻolib qilishga harakat qilishingiz va Islom dinini olamga rahmat sifatida olib chiqishingizdir. Siyosiy faoliyatni har besh yilda boʻladigan saylovlarga cheklash mumkin emas.
Ey parlament aʼzolari! Biz ovoz berish yoshini 21 yoshdan 18 yoshga tushirganingizdan xursand emasmiz. Chunki biz zino jinoyatiga beriladigan jazoni 6 marta savalashdan 12taga, hatto 99taga koʻpaytirsangiz ham xursand boʻlmaymiz… Biz Islom zino uchun belgilagan jazoni tatbiq qilsangiz xursand boʻlamiz. Biz Malayziya parlamentining 222ta aʼzosi saylash yoshini 21 yoshdan 18 yoshga tushirsa ham faxrlanmaymiz. Balki biz Allohning hukmlarini yer yuzida toʻla shaklda tatbiq qilsangiz faxrlanamiz.Lekin biz aniq ishonamizki, sizlar hech qachon bu ishni qilmaysizlar.
