Hizb ut-Tahrir – Turkiya viloyati turk rejimining suriyalik muhojirlarni taʼqib qilishni davom ettirayotganini qoralaydi
Hizb ut-Tahrir – Turkiya viloyati matbuot boʻlimi nashr qilgan bayonotda Istanbul hokimligi chiqargan bayonot qoralandi. Chunki hokimlik bayonotida Suriyadan Turkiyaga noqonuniy ravishda kelgan muhojirlarni taʼqib qilishda davom etish va ularni chegara ortiga deportatsiya qilish, vaqtinchalik himoya kartasi bilan Turkiyada yashayotgan suriyaliklarni qayd etilgan viloyatlariga koʻchirish hamda Istanbulni vaqtinchalik yashovchilar qarshisida yopib qoʻyish aytiladi. Hizb bayonotida bunday taʼkidlanadi:
“Istanbul hokimligining bu bayonotiga qoʻshimcha, Turkiya boʻylab koʻrilayotgan chora-tadbirlar hamda muhojir Suriya ahliga qarshi soʻnggi paytda olib borilgan gijgijlov va diskriminatsiya ortidan kelib chiqqan zoʻravonlik va oʻldirishlar bitta narsaga dalolat qilmoqda. U ham boʻlsa, millatchilar va ilmoniylar istagan siyosat hamda saylovoldi kampaniyalari davrida berilgan shiorlar amalga oshmoqda. Ichki ishlar vaziri buyrugʻi bilan boʻlayotgan ekstraditsiya va deportatsiya chora-tadbirlari bilan Istanbul hokimligi qilgan bayonotlardan turk rejimining fikrlashi millatchi ilmoniylar fikrlashidan farq qilmasligi koʻrinib turibdi. Vaholanki, turk rejimi muhojirlarni deportatsiya qilish oʻrniga, ularni himoya qilib, yonlarida turishi kerak edi.
Agar Turkiyadagi rahbarlar oʻzlarini ansorlar, deya qilgan daʼvolarida haq boʻlsalar, u holda, prezidentning 2014 yil Gʻozi Antob shahridagi maʼruzasida aytgan soʻzlarini bir eslasinlar. Oʻshanda Erdogan janoblari “Siz (muhojirlar) yelkamizga tushgan yuk emassiz. Chunki mehmon – hazoratimiz, saqofatimiz, urf-odat va anʼanalarimizda baraka va sharaf hisoblanadi”, degan edi”.
Hizb bayonoti soʻnggida quyidagi savollar oʻrtaga tashlandi:
“Kechagi siyosat bilan bugungi siyosat nega oʻzgardi?! Suriya rejimi sodir etayotgan qirgʻinlar tamom boʻldimi?! Yoki Suriya qoʻzgʻoloni Turkiya yordami bilan nusrat quchdimi?! Bir tomondan, Turkiyaning Ostona va Sochidagi hamkori Rossiya Idlib va aholi punktlarini tinimsiz bombardimon qilayotgan boʻlsa, ikkinchi tomondan, Turkiya davlati muhojirlarga kishan urib, Idlibga deportatsiya qilib yotibdi. Yoxud bu davlat rahbarlari suriyalik birodarlarga endi muhojirlar, deb qaramay, balki bir qurol-vosita deb qaraydigan, shuning uchun bu bechoralar ularning yelkasidagi yukka aylanib, ularni zolimlar qoʻliga topshirishga qaror qilishibdi-da?!”.
Roya gazetasining 2019 yil 31 iyul chorshanba kungi 245-sonidan
