Hizb ut-Tahrir – Keniya: “terrorizm”ga qarshi kurash qonuniga oʻzgartish kiritish Islomga hujum qilish uchun yana bir hiyladir
Keniya prezidenti davlat qonunining “terrorizm”ga qarshi kurash moddasiga kiritilgan oʻzgartishni tasdiqladi. Uning tasdiqi bilan ayni oʻzgartish qonunga aylanadi. Qonunga aylanishi bilan maktab maʼmuriyati oʻquvchilar haqidagi roʻyxatga va uni yangilashga alohida eʼtibor qaratib, oʻquvchilar orasida “ekstremizm” alomatlari koʻringanlarini nazorat qilish boʻyicha alohida oʻqituvchilar tayyorlaydi. Ustiga-ustak, bu qonunda har qanday shakldagi “terrorizm” bilan ayblangan shaxsni 20 yildan 30 yilgacha qamoqqa hukm qilish taklif qilingan. Bunday qonunchilikka nisbatan Hizb ut-Tahrir – Keniya matbuot boʻlimi bayonot chiqarib, unda quyidagilarni taʼkidladi:
“Butun “terrorizm” boʻyicha kurashning asosiy nishonlari xolis musulmonlar ekanida aslo shubha yoʻq. Islomiy tashkilotlar bilan birga, nohukumat maktab va muassasalarni “terrorizm”ga qarshi kurash kampaniyasi doirasiga qoʻshish musulmonlar orasiga qoʻrquv va xavotir solishni hamda bir-birlariga josuslik qilishga undashni anglatadi.
Bayonot bunday ogohlantiruv bilan davom etadi:
“Biz har bir musulmon ota-onalarni, musulmon oʻqituvchilarni va muassasalar xodimlarini dushmanlarning Islomga qarshi bunday xalqaro kurash kampaniyasiga boʻysunishdan ogohlantiramiz. Chunki bu narsa dunyo hayotida ham, Alloh Subhanahuga roʻpara boʻlganingizda ham sharmandalik keltiradi”.
Bayonot soʻnggida quyidagilar eslatildi:
“Musulmonlar dushmanlari bizning Islom shariatini tatbiq etishga qaratilgan chaqirigʻimizdan qoʻrqishyapti, shu sababli musulmonlarni oʻz dinlariga amal qilishdan toʻsish uchun “terrorizm” va “ekstremizm”, degan narsalardan foydalanishyapti. Zotan, “terrorizm”ga qarshi kurash qonuni jamiyatda musulmonlardan boshqa hech kimni nishonga olmaydi. Bu qonunlar AQSh yetakchiligida olib borilayotgan xalqaro kurash kampaniyasining bir qismi boʻlib, undan maqsad, Islom tushunchalariga ziyon yetkazish va musulmonlarni oʻz Islomlaridan voz kechishlari uchun qalblariga qoʻrquv solish hamda dinlariga mutlaqo zid boʻlgan kufr fikrlarini qabul qilishlari uchun doim bosim ostida ushlab turishdir.
Roya gazetasining 2019 yil 31 iyul chorshanba kungi 245-sonidan
