Atambayev Putin bilan uchrashdi
Putin qirgʻizistonliklarni hozirgi prezident atrofida birlashishga chaqirdi
Rossiya prezidenti Vladimir Putin Kremlda Qirgʻizistonning sobiq prezidenti Almazbek Atamboyev bilan mintaqa va respublikadagi vaziyatni muhokama qilganini maʼlum qildi.
“Ha, men Almazbek Sharshenovich bilan uchrashdim. Biz mintaqa va Qirgʻizistondagi vaziyat haqida gaplashdik”, – dedi u jurnalistlarga.
Putin Qirgʻiziston uchun hozirda siyosiy barqarorlik muhim ekanligi, respublika aholisi amaldagi prezident Sooronbay Jeenbekov atrofida birlashishi kerakligini aytdi.
“Mening pozitsiyam maʼlum. Unga (Atamboyevga) ham shu pozitsiyada ekanligimni bildirgandim. Men Qirgʻiziston – u bizning ittifoqchimiz, bizga yaqin davlat, yetarlicha bir nechta marta, aniqrogʻi, kamida ikki marta ichki siyosiy silkinishlarni boshidan kechirdi deb hisoblayman. Menimcha, Qirgʻiziston xalqi manfaati uchun toʻxtash lozim. Mamlakat siyosiy barqarorlikka muhtoj. Va barcha odamlar amaldagi prezident atrofida birlashishi va unga davlatni rivojlantirishda yordam berishi kerak”, – dedi u.
Izoh:
Atambayevning Rossiyaga borish masalasi Putin bilan Jiyanbekovning oxirgi uchrashuvida hal qilingan edi. Kelishuvga muvofiq Jiyanbekov ichki siyosiy keskinlik oqibatlaridan qutilmoqchi boʻlgan boʻlsa, Putin bu uchrashuvdan Qirgʻizistondagi siyosiy doira va rusparast yetakchi guruhni parokandaga uchrab (Ukrainadagi singari) yoʻq boʻlib ketishini oldini olmoqchi.
Atambayev Putin bilan uchrashdi, uning maqsadi shu edi. Putinning maqsadi esa, Atambayev va uning atrofidagi bir qator siyosatchilarni Qirgʻiziston hokimiyatiga muxolifat kuch sifatida oʻz taʼsiri ostida ushlab qolishdir. Putin shu yoʻl bilan Qirgʻizistondagi siyosiy vaziyatni izdan chiqib ketishi va buning natijasida paydo boʻlishi mumkin boʻlgan siyosiy boʻshliqni gʻarbparast kuchlar toʻldirib olishi mumkin boʻlgan xavfni oldini olmoqchi boʻladi. Yaʼni u, Qirgʻizistondagi pozitsiya va appozitsiyaga oid barcha siyosiy kuchlarni oʻz taʼsiri ostida ushlab qolmoqchi.
Demak, Atambayev Rossiyaparast siyosiy muxolif kuchlar lideri boʻlishi mumkin. Oʻz navbatida Jiyanbekov ham Rossiyaparast hokimiyat vakili boʻlib qolaveradi. Bu esa, Qirgʻiziston hokimiyati rus manfaatiga xizmat qilishdan boʻyin tovlasa, muxolif kuchlar maydonga chiqarilishini anglatadi. Yaʼni Putin Qirgʻiz hokimiyatini Atambayevchi muxolifat bilan doim qoʻrquvda ushlab turishni moʻljallamoqda.
Lekin Rossiyaning Atambayevni zoʻravonlarcha olib chiqib ketishi, xuddi shu yoʻl bilan Batukayevni ham olib chiqib ketganligini isbotladi. Yaʼni Putindan boshqasi jinoiy javobgarlikka tortilgan Batukayevni ham yoki tortilayotgan Atambayevni ham, olib chiqib keta olmas edi, degan fikr oʻz isbotini topdi. Rossiya oʻzining bu harakati (ichki siyosiy ishlarimizga ochiq aralashuvi) bilan Qirgʻiziston prezidentini ham, hokimiyatini ham, yasama muxolifotini ham obroʻysizlantirdi. Ularning Kremlga mutloq tobe ekani va mustaqillik qalbaki fikr ekani ochiq namoyon boʻldi. Demak parlament saylovi oldida bu ishga rozi boʻlib, Rossiyaga davlat tizginini ochiq ushlatib qoʻygan prezident, oʻta nochor ahvolda!
Abdurazzoq Moʻʼmin.
