بِسْمِ اللهِ الرَّحْمٰنِ الرَّحِيمِ
Hizb ut-Tahrir – Bangladesh viloyati: Gʻarbning kofir qoʻshinlari musulmonlarga doʻst boʻlishlari mumkin emas
Bangladesh havo kuchlari AQSh kuchlari bilan hamkorlikda Bangladeshda “Tinch okean manyovrlari” nomli harbiy mashq oʻtkazdi. Olti oylik bu mashq Bangladesh havo kuchlarining tabiiy ofatga qarshi kurash va tibbiy yordam koʻrsatish qudratini oshirish, degan narsa bilan dastaklandi. Shu xususda Hizb ut-Tahrir – Bangladesh viloyati matbuot boʻlimi bayonot nashr qilib, unda quyidagilarni taʼkidladi:
“Gʻarbning kofir qoʻshinlari musulmonlarga doʻst boʻlishlari mumkin emas. Gumanitar, deya daʼvo qilinayotgan yordamlardan maqsad esa, bizning armiyamiz safiga sizib kirish va unga hukmron boʻlishdan boshqa narsa emas. Amerikadek bir mustamlakachi davlat harbiy hamkorlik niqobi ostida mintaqada mana bunday rejalarini amalga oshirmoqda. Yaʼni, ushbu rejalarni amalga oshirish uchun millionlab dollar sarflanyapti, Shayxa Hasinaning malay rejimidan qurol sifatida foydalanyapti. Bangladesh ahli va armiyasiga qarshi amalga oshirilayotgan bir qator tadbirlarda Hasinaning jonbozlik koʻrsatib ishtirok etishining sababi shudir”.
Matbuot bayonoti Bangladeshdagi musulmonlarga murojaat qilish bilan tamomlandi:
“Ushbu musulmon xalqni AQSh, Britaniya va Hindiston kabi mustamlakachi kofirlar taʼsiridan Paygʻambarlik minhoji asosidagi roshid Xalifalik davlatisiz hargiz qutqarib boʻlmaydi. Xalifalik davlati nafaqat mintaqani, balki butun dunyoni kofirlar repressiyasi va zulmlaridan ozod etib, Ummatning yoʻqotgan ulugʻligini qayta tiklaydi. Bas, shunday ekan, armiya safidagi xolis zobitlardan Paygʻambarlik minhoji asosidagi roshid Xalifalik davlatini barpo etishga nusrat talab qiling.
Roya gazetasining 2019 yil 10 iyul chorshanba kungi 242-sonidan
