Donalьd Tusk Markaziy Osiyo davlatlari boʻylab safar qiladi
Yevropa kengashi raisi Donalьd Tusk joriy yilning 29 mayidan 2 iyuniga qadar Markaziy Osiyo davlatlari boʻylab safar qiladi. Jumladan Tusk 31 may kuni mahalliy vaqt bilan soat 18:00da Oʻzbekiston prezidenti Shavkat Mirziyoyev qabulida boʻladi. Bu haqda Yevropa ittifoqi kengashi rasmiy saytida xabar berildi.
Shuningdek, Tusk dastlab 30 may kuni Dushanbeda Imomali Rahmon bilan uchrashadi.
Keyingi kun rejasida esa Nur-Sulton shahrida Qozogʻiston prezidenti Qosim-Jomart Tokayev, kunning ikkinchi yarmida esa birinchi prezident Nursulton Nazarboyev bilan uchrashuv belgilangan. Shundan soʻng Tusk Oʻzbekistonga yoʻl oladi.
“Evropa Ittifoqi yangi “Yevroittifoq – Markaziy Osiyo” strategiyasini eʼlon qildi. Tuskning safari Ittifoqning mintaqa va alohida mamlakatlar bilan hamkorlikni mustahkamlash borasidagi saʼy-harakatlarining yana bir ifodasidir. Ikki tomonlama hamkorlikdan tashqari, iqlim oʻzgarishi, atrof-muhitni muhofaza qilish va chegara masalalari, shuningdek mintaqaviy xavfsizlik masalalari ham kun tartibida boʻladi”,- deyiladi xabarda.
