Xitoy AQShni nodir metallar bilan siquvga olmoqchi
AQSh bilan tobora avjiga chiqib borayotgan savdo urushida strategik muhim ahamiyatga ega nodir metallar Xitoyning ustunligini taʼminlashi mumkin. Buhaqda“Ren-TV” xabar bermoqda.
Yaqinda XXR raisi Si Tszinьpin nodir metallar zavodida boʻldi. Xitoy matbuoti bu tashrif Vashington uchun ogohlik qoʻngʻirogʻi vazifasini bajargani haqida yozdi.
Si Tszinьpinning tashrifidan soʻng Xitoydagi nodir metallar ishlab chiqaruvchilarning aktsiyalari bahosi oshib ketdi.
Bu xildagi metallar yuqori texnologiyali sohalar, xususan, eng zamonaviy qurollarni ishlab chiqarishda qoʻllaniladi.
Bu masalada xitoyliklarsiz AQShning “kuni oʻtishi”dargumon, negaki, global bozorning kamyob metallga boʻlgan talabini 71 foizga Xitoy taʼminlab kelmoqda.
Eng qizigʻi, Xitoyning minglab tovarlariga boj joriy etgan AQSh negadir uning metallarini “unutgan”.
