Qirgʻiziston jazoni oʻtash mahkamalari boʻyicha Xitoy bilan hamkorlik qilishga tayyor
Qirgʻiziston mamlakat jazoni oʻtash xizmati (MJOʻX) ekstremizmga qarshi Xitoy bilan hamkorlik qilishga tayyor ekanini bildirdi. Bu haqida “Azattыk” radiosi davlat matbuot xizmatiga tayanib xabar tarqatdi.
Qirgʻiziston MJOʻX raisi boshchiligidagi delegatsiya Xitoy xavfizlik vazirligining maxsus delegatsiyasi bilan uchrashdi. Uchrashuv chogʻida, diniy ekstremizmni oldini olishda birga hamkorlik qilish masalasi koʻrib chiqildi. Ular Xitoyning Sharqiy Turkistonda atayin musulmonlarni qayta tarbiyalash lagerlarida olib borilayotgan tadqiqotlariga qiziqishdi.
Xitoy xavfsizlik xizmati Sharqiy Turkistonda Islom va musulmonlarga qarshi qanday kurash olib borganini dunyo, ayniqsa Qirgʻiziston va Qozogʻiston musulmonlari juda yaxshi bilishadi. Ular bir milliondan ortiq musulmonlarni Quron va namoz oʻqishgani uchun, hatto duo qilishgani uchun lagerlariga qamab, harom taomlar isteʼmol qilishga majburlashmoqda va ulardan Islom dinidan qaytishlarini talab qilishmoqda. Mahbuslar ichida bir necha oʻn minglagan Qirgʻiz va Qozoq millatiga mansub musulmonlar ham bor ekani rasman tasdiqlangan. Qirgʻiz millatiga mansub taʼyin yoki betaʼyin yoʻllar bilan lagerga olib ketilgani gumon qilingan mahbuslar haqida Qirgʻiziston hukumati hatto xabar topa olmadi! Xitoy esa, Qirgʻiz hukumatining notalariga javob ham berishni lozim topmadi!
Qirgʻiz xalqi “Xitoy bosqinchiligiga qarshimiz” nomi ostida keng koʻlamda aktsiyalar oʻtkazdi. Aktsiyada Qirgʻiz millati oʻzidagi diniy tuygʻularidan kelib chiqqan fikriy fidoiyligini namoyon qilib, dunyo hamjamiyatini oʻziga va Xitoy zulmiga qarshi harakat qilishga majburlay oldi! Qirgʻiz hukumatini ham Xitoy bilan imzolangan bir qator xiyonatkorona shartnomalarini ijro qilishdan vaqtincha boʻlsa ham toʻxtata oldi!
Vaqt oʻtishi bilan avvalgi yaralar yodimizdan koʻtarilib, Xitoy tomonidan kutilayotgan moddiy, ruhiy va maʼnaviy xavf xatarlarga qarshi xalq va ummat nafrati soʻna boshladi! Melis Turganbayev boshchiligidagi JBX yetakchilari Xitoyning dahriy (dinsiz) delegatsiyasi bilan, Qirgʻiziston musulmonlari va ular eʼtiqod qilgan Islom diniga qarshi kurashish haqida maslahatlasha boshladi! Ular “ekstremizm” deb atab olgan kufr atamasi aslida umum Islom dinini anglatadi. Chunki biz Xitoyning ochiq va butunicha Islom dini qadriyatlariga qarshi kurash olib borayotganiga aniq guvoh boʻlib boryapmiz. Buni hatto olamiy kufr boshqaruv tashkilotlari ham eʼtirof etib, Xitoydan bu zulmlarga barham berishini rasman talab qilishdi.
Xitoyning maxsus lagerlarda Islom diniga barham berish loihasi xalqaro boshqaruv siyosati tomonidan qizgʻin muhokama qilinyapti. Yaʼni bu uslub Islomiy mabdaiy rivojlanishning oldini olish uchun qanchalik manfaatli uslub ekanligi muhokama qilinyapti. Masalan Rossiya ham Xitoyning bu vahshiy uslubidan andoza olib, noqonuniy migrantlar uchun oʻrmonlarda bir qancha majburiy mehnat lagerlari qurdi. Ulardan bir qanchasini aksari musulmonlardan iborat ishchi migrantlar bilan toʻldirib ishga solib yubordi. Qirgʻiziston ham ularning ortidan izma-iz yurib, yuqoridagi uchrashuvlarni uyushtira boshladi! Bu haqida Rosululloh sollollohu alayhi vasallam shunday deganlar:
لَتَتْبَعُنَّ سَنَنَ مَنْ كَانَ قَبْلَكُمْ شِبْرًا شِبْرًا وَذِرَاعًا بِذِرَاعٍ حَتَّى لَوْ دَخَلُوا جُحْرَ ضَبٍّ تَبِعْتُمُوهُمْ
“sizlar oʻzlaringizdan avvalgi kishilarga qarichma-qarich ergashasizlar, hatto ulardan biri kaltakessaknig iniga kirsa, sizlar ham albatta kirasizlar”.
Biz musulmonlar yana Xitoy bosqinchiligi, zulmlariga beparvo boʻlib, unga qarshi kurashni deyarli toʻxtatib qoʻydik. Xalqaro hamjamiyatlarga ishonib, islomiy jamoiy nafratni soʻndirdik. Islomiy jamoiy ruh zaiflashgach, kufr olami endi Xitoyning Islomga qarshi dahriylarcha zulm bilan kurashish loihasiga qiziqa boshladi. Kufr olami Islomga qarshi kurashda demokratiya asoslari, qadriyat va tamoillaridan oʻzlariga niqob sifatida foydalanib kelishadi. Lekin mafkurasi toʻla inqirozga uchrab, dunyo xalqlarini alday olmaydigan darajada zayiflashib qolgach, ular Xitoy singari ochiq zulmlarga toʻla shaxsiyatlarini namoyon qilishadi. Suriyaga qarshi tashlanib, uni vayron qilganida va tinch aholisini ommaviy qirgʻin qilishganlarida bunga biz guvohi boʻldik!
Demak biz musulmonlar, kufr zulmini bartaraf etishda ikkinchi tomondagi kufrga koʻz tikib, undan najot va nusrat kutishimiz toʻgʻri emas! Oʻzlarini musulmon sanagan Qirgʻiziston hukumatining vakillariga ham, xalq va ummat nomidan oʻz dunyoqarashimiz va umumiy manfaatlarimizdan turib, har bir ishga alohida doimiy sergaklik bilan jamoiy munosabat bildirishimiz zarur! Aks holda Alloh oldida gunohkor boʻlish bilan bir qatorda, Xitoy singari dahriylarga yurtimizning ichki ishlariga aralashishlari uchun keng sharoitlar yaratib berayotgan yetakchilarga sherik boʻlib qolamiz (Alloh saqlasin). Oqibatda davlat va xalq sifatida Xitoyga yoki yana boshqa mustamlakachilarga qulligimiz ziyoda boʻlib boraveradi. Shuning uchun “Xitoy bosqinchiligiga qarshimiz” aktsiyasini muddatsiz va davomli olib boraylik. Xitoy bosqinchiligi uchun sharoit yaratib bermoqchi boʻlayotgan xoin yetakchilarga qarshi muhit paydo qilib, ularning qabih maqsadlariga toʻsiq qoʻyaylik. Chunki ular arzimas dunyo matohlari uchun oʻz xalqi, mamlakat xavfsizligi va manfaatlarini sotib yuborishmoqchi!
Abdurazzoq.
