AQSh Afgʻonistondagi qirgʻinlari fosh boʻlishidan qoʻrqmoqdami?!
AQSh davlat kotibi Mayk Pompeo – agar Xalqaro jinoyat sudi tergovchilari AQShning Afgʻonistondagi urush jinoyatlarini tergov qilishga kirishadigan boʻlsa, ularning AQShga kirish vizalariga cheklovlar qoʻyishini eʼlon qildi. Uning qoʻshimcha qilishicha, agar sud ayni harakatini oʻzgartirmaydigan boʻlsa, qoʻshimcha choralar, jumladan, iqtisodiy sanktsiyalar ham joriy qilinadi.
Shu xususda Hizb ut-Tahrir – Afgʻoniston matbuot boʻlimi bayonot chiqardi. Bayonotda bunday deyiladi: “Amerikaning Xalqaro jinoyat sudi tomonidan Afgʻonistondagi amerikalik mulozimlarga nisbatan tergov olib borilishidan bunchalik qoʻrqayotganining sababi bor, albatta. Zero, bu davlat 18 yildan buyon Afgʻonistonda “terrorizmga qarshi kurash”, degan narsani dastak qilib, afgʻon xalqiga qarshi dahshatli jinoyatlarni sodir etib kelmoqda. Shu vaqt ichida bu mustamlakachi davlat yarim milliondan ziyod afgʻonistonlikni qirib tashladi, jarohatladi… Yashirin qamoq lagerlarida musulmon mahbuslarga nisbatan quturib, yirtqichlarcha munosabatda boʻldi”.
Matbuot bayonotida yana quyidagilar qoʻshimcha qilinadi:
“Odatda Amerika ogʻiz koʻpirtirib, demokratiya va inson huquqlari kabi shiorlarini takrorlagani takrorlagan. Biroq oʻz manfaatlariga xavf tugʻilgudek boʻlsa, kichik boʻlsa ham tergov oʻtkazilishiga yoʻl qoʻymaydi. Uning bunday pozitsiyasi shuni yaqqol koʻrsatib turibdiki, demak, mazkur shiorlardan Gʻarbning, xususan, AQShning hukmronligi va manfaatlarini kafolatlashda bir vosita sifatida foydalaniladi”.
Bayonot soʻnggida bunday deyiladi:
“Xalqaro jinoyat sudi Amerikaning urush jinoyatlari borasida tergov olib bora olmaydi. Chunki boshqa qator xalqaro muassasalardan farqsiz oʻlaroq, bu muassasa ham jinoyatkor Gʻarbning siyosiy ishlariga xizmat qiladi. Shuning uchun yolgʻiz Xalifalik davlatigina Allohning izni ila, Gʻarbning musulmon yurtlaridagi jinoyatlarini fosh etib, uning vahshiyona chora-tadbirlariga qarshi keskin javob qaytaradi hamda musulmonlar yerlarini mudofaa qilib, qonlari, or-nomuslari va muqaddas dargohlari daxlsizligini saqlaydi”.
Roya gazetasining 2019 yil 3 aprel chorshanba kungi 228-sonidan
