Sudanda Hizb ut-Tahrir a’zolarining hibsga olinishi
Hizb ut-Tahrir Sudan viloyati a’zolari Port Sudan shahrida Hizb tomonidan chiqarilgan «Janubiy Port Sudandagi portning xususiylashtirilishi yurt xavfsizligiga xiyonat, resurslariga beparvolik va fuqarolarni ishsiz qoldirishdir» sarlavha ostidagi varaqani tarqatishgan edi. Varaqa tarqatilishi ortidan bir guruh Hizb ut-Tahrir a’zolari shahardagi masjid ichkarisida hibsga olinib, so‘ng qo‘yib yuborildi. Katta jome masjidi ichkarisidan birodar Shoriq Barbariy hibsga olinib, xavfsizlik idorasiga, undan politsiya bo‘limiga olib ketildi.
Hizb ut-Tahrir a’zolari tarqatgan varaqada Ummat voqif bo‘lib, tushunmog‘i shart bo‘lgan haqiqat keltirilgan edi. Ummat voqif bo‘lishi lozim bo‘lgan haqiqat shuki, port umumiy mulk bo‘lgani uchun davlatning unga egalik qilishi shar’an haromdir. Shuning uchun port umumiy mulk bo‘lib qolishi, davlat fuqarolarining barchasi uning kirimlaridan foydalanishi, davlat esa, uni jamoat manfaati yo‘lida idora qilib turishi kerak. Filippin shirkati bilan tuzilgan bitim ham botil bo‘lib, bu ish yurt xavfsizligiga nisbatan beparvolikdir. Chunki, bu bilan faqat foydanigina ko‘zlagan interkontinental shirkatlar uchun yurt darvozalari ochib beriladi hamda o‘sha yerda ishlab, Alloh belgilab belgilab rizqini topayotgan ishchilar o‘z ishlaridan haydaladi. Hukumat varaqa tarqatgan Hizb a’zolarini hibsga olib, ularga jinoiy ish ochish o‘rniga fuqarolar va yurtga nisbatan o‘zi sodir etgan ulkan jinoyatni qayta ko‘rib chiqishi kerak. Zero, bu yigitlar haqni yetkazish va payg‘ambarlik minhoji asosidagi roshid Xalifalikni barpo qilish uchun jonlarini fido qilmoqdalar.
Roya gazetasining 2019 yil 6 fevral chorshanba kungi 220-sonidan
