Key Beyli-Xatchinson:Rossiyani ayblang
Agar Rossiya va AQSH oʻrtasidagi Oʻrta va kichik masofadagi raketalarni yoʻq qilish toʻgʻrisidagi bitim buzilsa, unda buning uchun Rossiyani ayblash kerak, deya hisoblaydi AQSHning NATOdagi elchisi Key Beyli-Xatchinson. Bu haqda u The New York Times uchun maqolasida yozgan.
“Agar Oʻrta va kichik masofadagi raketalarni yoʻq qilish toʻgʻrisidagi bitim oʻlsa – Rossiyani ayblang” deb nomlagan oʻz maqolasini amerikalik elchi.
Amerikalik elchining bildirishicha, Rossiya uzoq vaqtdan buyon Oʻrta va kichik masofadagi raketalarni yoʻq qilish toʻgʻrisidagi bitim bilan taqiqlangan raketalarni joylashtira boshlagan. Ularni ishlab chiqish 2000 yillarning oʻrtasida boshlangan, deya hisoblaydi u. Agar Rossiya mazkur bitim shartlariga rioya qilmasa, unda Qoʻshma Shtatlar olti oy ichida uni tark etadi, deyiladi maqolada.
Biroq, bitimni bekor qilishga moyillik 2007 yildayoq paydo boʻlgandi, oʻshanda Rossiya prezidenti Vladimir Putinning Myunxen Xavfsizlik boʻyicha konferensiyasidagi nutqida raketalar boʻyicha bitimga putur yetkazish istagi toʻgʻrisida “signal yuborilgan”, deydi AQSH elchisi.
Shundan keyin Rossiya barcha mamlakatlar ishtirok etadigan, “global” boʻlishi kerak boʻlgan, bitimga muqobil variantni qidira boshladi, deyiladi maqolada. Rossiyaning kayfiyati prezident Jorj Bush maʼmuriyati yuqori martabali vakillari bilan munozaralarga zid boʻlmagan.
Key Beyli-Xatchinsonning yozishicha, AQSH sobiq mudofaa vaziri Robert Geyts oʻz memuarlarida oʻsha paytda rossiyalik hamkasbi boʻlgan, mudofaa vaziri lavozimi egallagan Sergey Ivanov bilan birinchi uchrashuvida u Rossiya bu bitimdan chiqishni xohlayotgani haqida maʼlum qilganini bildirgan.
Rossiyadan farqli ravishda, AQSH raketalar boʻyicha bitim va qurol-yarogʻlar ustidan nazorat boʻyicha boshqa xalqaro majburiyatlarga qatʼiy rioya qilmoqda, deb yozadi muallif. Beyli-Xatchinsonning umid bildirishicha, Kreml bitimga rioya qilishga qaytadi va uning tegishli talablariga javob bermaydigan 9M729 raketasini yoʻq qiladi.
