Tramp va Si Tszinьpin kelishib olishdi
AQSh prezidenti Donalьd Tramp Xitoy rahbari Si Tszinpin bilan Buenos-Ayresda boʻlib oʻtgan uchrashuvdan keyin Xitoyga nisbatan qoʻshimcha tariflarni joriy qilmaslikka qaror qildi. “Ular kamida 90 kun mobaynida yangi tariflarni joriy qilmaslikka qaror qilishdi”, deb xabar beradi Reuters agentligi Oq uy matbuot xizmatiga tayanib.
Dastlab AQSh 1 yanvardan umumiy hajmi 200 mlrd dollar boʻlgan Xitoy tovarlariga 25 foizlik tarif joriy qilishi koʻzda tutilayotgan edi. Biroq Tramp qarorini oʻzgartirdi. “Sinxua” axborot agentligining xabar berishicha, Xitoy va AQSh rahbarlari barcha qoʻshimcha tariflarni bekor qilish boʻyicha muzokaralarni tezlatishga kelishib olishdi.
“Xitoy va AQSh barcha amaldagi tariflarni bekor qilishga qaratilgan muzokaralarni tezlatadi”, – deb xabar beradi axborot agentligi tashqi ishlar vazirligiga tayanib.
Xitoy tashqi ishlar vaziri Van I AQSh va Xitoy rahbarlari “qulay payt kelganda” oʻzaro tashrifga kelishib olishganini aytgan. “Rais Si Tszinpin va AQSh prezidenti Donalьd Tramp qulay payt kelganda tashrif almashishga kelishib olishdi”, – dedi Van I uchrashuv yakunlariga toʻxtalib.
Tramp va Si Tszinpin “ikki davlat albatta munosabatlarini yaxshilab olishi”ga kelishib olishdi.
