Sobiq prezidentlardan dahlsizlikni olib tashlash boʻyicha qonun loyihasi ishlab chiqildi
Qirgʻiziston parlamenti qoʻmitasi sobiq prezidentlardan dahlsizlik maqomini olib tashlash boʻyicha qonun loyihasini qoʻllab-quvvatladi. Mazkur qonun qabul qilinadigan boʻlsa, sobiq prezident Almazbek Atambayevni sud javobgarligiga tortish uchun imkoniyat paydo boʻladi.
27 noyabr kuni parlamentning qonunchilik, davlat tuzilmalari va sud masalalari qoʻmitasi qonun loyihasini quvvatlab, muhokama va tasdiq uchun parlamentga taqdim etdi.
Mazkur qonun loyihasi sobiq prezident Almazbek Atambayevning amaldagi prezident Sooronbay Jeenbekov bilan munosabatlari keskin sovuqlashgan bir paytda ishlab chiqildi.
Qirgʻizistonni 2011 yildan 2017 yilgacha boshqargan Atambayev bir necha kun avval Jeenbekovga qarshi muxolifatga oʻtganini eʼlon qilgan edi.
Jeenbekov hokimiyat tepasiga kelganidan keyin, Atambayevning yaqin maslakdoshlari boʻlgan sobiq bosh vazirlar Sapar Isaqov hamda Jantoro Satibaldiyev korruptsiyada ayblanib qamoqqa olindi, Atambayevga yaqin boʻlgan boshqa bir necha rasmiy ishdan olindi.
Shundan soʻng Sooronbay Jeenbekov bilan oʻtgan yili prezidentlikni topshirgan Almazbek Atambayev oʻrtasidagi munosabatlar yomonlashib ketgan edi.
Turkiston:
“Qilmish – qidirmish” deganlaridek, Qirgʻizistonda ham birorta prezident jinoiy javobgarlikka tortilmay qolmayapti. Lekin yangi kelgan prezidentlar yana avvalgilaridek jinoiy faoliyatni davom ettirib borishyapti. Nega shunday boʻlyapti!
Odamlar va siyosatchilar bu holatdan qutilish maqsadida, boshqa yangi yetakchi izlayapti-yu, ammo avvalgisidan farq qilmaydigan, balki undanda qabihrogʻiga roʻbaro kelib qolishyapti. Nega shunday boʻlyapti! Nega hayotda insoniy tomondan unchalik yomon koʻrinmagan siyosatchi shaxs, yetakchilikka kelishi bilan qotil, korruptsioner va yana boshqa salbiy xususiyatlarga boy shaxsiyaga aylanib qolyapti! Qachongacha shu tariqa, har safar yangisidan umid qilib, saltanatni siyosatchilarning nafslariga tashlab qoʻyaveramiz, qachongacha mamlakat va ummat mulkini kufrga talon taroj qildirib, oʻzimiz ularning zulmlari ostida yashab yuraveramiz?!
Muammoning ildizi ichki siyosatimizda emas. Balki tashqi olamiy sistemaning bizlar uchun belgilab bergan boshqaruv sistemasining kasofati sababli shunday boʻlmoqda. Ular bu yerlarda jinoyat qilib qochib ketgan yetakchilarimizni qaytarib berishmaydi. Xalqni chalgʻitib kufr manfaatini joriy qilganm va shu bilan birga oʻz manfaatlarini ham qoʻlga kiritib olgan avvalgi yetakchilarni hatto sudning hukmidan keyin ham bizga qaytarib berishmayapti. Yaʼni avvalgi prezidentlarimizning jinoyatlari sudda isbotlanganidan keyin ham bizga qaytarib berishmadi. Bizning siyosatchilarimiz kufr xalqaro siyosatning bu yechimidan hatto xafa boʻlishgani ham yoʻq. Demak dunyo sistemasi, yetakchi mamlakatlar manfaati uchun xizmat qiladi. Yetakchi mamlakatlar esa, oʻzlariga xizmat koʻrsatgan manqurt xizmatkorlarini (prezidentlarimizni), xiyonat qilgan mamlakatlariga topshirib bermaydi. Bu sistema, keyingi kelgan manqurt xoin siyosatchi uchun oʻz xiyonatida xotirjamlik va ishonch bagʻishlaydi.
Mazkur siyosiy elita esa, keyingi yetakchini yana avvalgisi singari xiyonatlaridan taajjublanib, qayerdan xatolik ketdi ekan deb, ichki siyosiyo boshqaruv sistemasini yana qandaydir islohotlar qilib oʻzini ham, ularga ergashgan fuqorolarni ham aldab boraveradi!
