MRB Jamol Qoshiqchining oʻlimiga valiahd shahzodaning aloqasi bor degan xulosaga keldi
AQSh maxsus xizmatlari saudiyalik jurnalist Jamol Qoshiqchini Istanbuldagi bosh konsullik binosida oʻldirishga kim koʻrsatma berganini aniqladi. Bu haqda “Korrespondent.net” xabar bermoqda.
The Washington Post nashriga koʻra, Saudiya Arabistoni valiahd shahzodasi Muhammad bin Salmon mazkur qotillikning bevosita buyurtmachisi hisoblanadi.
Markaziy razvedka boshqarmasi turli manbalarni oʻrganib, jurnalistning oʻldirilishi uning xabardorligi va ishtirokisiz boʻlmaganligi haqidagi xulosaga keldi. Jumladan, tashkilot Saudiyaning AQShdagi elchisi, valiahd shahzoda Xolid bin Salmon Qoshiqchiga qoʻngʻiroq qilganini oydinlashtirdi.
Oldinroq turk maxsus xizmatlari ham shunday xulosaga kelgandi. Ular qotillik yuz bergan konsullikda boʻlgan razvedka polkovnigi Mohir Abdulaziz Mutrib hodisa haqida valiahd shahzodaga xabar qilganini bildirmoqda.
