Jeyms Jeffrey: Idlib shartnomasi Asad uchun moʻʼjiza
AQShning Suriya masalasi boʻyicha maxsus vakili Jeyms Jeffri Rossiya prezidenti Vladimir Putin va Turkiya prezidenti Rajab Toyyib Erdogan tarafidan Sochi shahrida imzolangan Idlib shartnomasini Asad hukumati uchun moʻʼjiza sifatida baholadi. Jeffri bu haqida Misr, Frantsiya, Germaniya, Iordaniya, Britaniya va Saudiya Arabistoni tashqi ishlar vazirlari bilan uchrashuvidan soʻng bergan bayonotida maʼlum qildi.
Jeyms Jeffrey Sochida erishilgan Idlib shartnomasini imzolash bilan Rossiya va Turkiya juda yaxshi ish qilganligini taʼkidlar ekan, AQSh xuddi shu maqsadda Rossiya bilan hamkorlik qilganligini qoʻshimcha qildi.
“Turkiya va Rossiya oʻrtasida shartnomaning imzolanishi yaxshi ish boʻldi, biz shartnomaning majburiyati davomli boʻladi deb umid qilamiz. Vashington shu maqsadga erishish uchun Moskva bilan hamkorlik qilmoqda. Amerikaning Asadni ketgazish niyati yoʻq. Agar u oʻz mansabini tark etsa, bundan mamnun boʻlamiz. Lekin bizning maqsadimiz bu emas. Bizning maqsadimiz oʻz xalqi yoki qoʻshnilariga tahdid qilmaydigan Suriyaning yuzaga kelishidir”, dedi AQShning Suriya boʻyicha maxsus vakili.
AQSh prezidenti Donald Tramp ham Turkiya va Rossiya oʻrtasida imzolangan Idlib muzokaralari uchun Turkiyaga alohida takror-takror minnatdorchilik bildirdi.
“Turkiya Idlib masalasida juda yaxshi bir ish qildi. Turkiyaning bizga juda katta yordami tegdi. Turkiya juda yaxshi. Turkiya barcha vaziyatlarda bizga koʻp yordam berdi”, dedi AQSh Prezidenti.
