Putin Moskva va Dushanbe oʻrtasidagi munosabatlardan mamnun
Rossiya Prezidenti Vladimir Putin Rossiyada tashkil qilingan “Rossiya va Tojikiston” nomli tarixiy hujjatli koʻrgazmaning tashkilotchilari va mehmonlarini tabrikladi. Bu haqida Kreml tarafidan berilgan bayonotda maʼlum qilindi.
“Mamlakatlarimiz va xalqlarimiz oʻrtasidagi aloqalar tarixiga bagʻishlangan ushbu koʻrgazmaning ochilish munosabati bilan sizlarni qutlayman. Ushbu tadbir ikki mamlakat oʻrtasidagi 25 yillik doʻstlik va hamkorlik shartnomasiga muvofiq tarzda oʻtmoqda. Chunki bu shartnomaning imzolanishi Rossiya va Tojikiston oʻrtasidagi aloqalarni kengaytirish uchun zaruriy sharoitlarni yaratdi”, deya yozdi Putin.
Prezident Putin ikki tomon oʻrtasidagi munosabatlar oʻtgan chorak asr mobaynida strategik sheriklik va ittifoqchilik darajasiga yuksalganligiga ishora qildi. Unga koʻra, ikki mamlakat oʻrtasida ikki tomonlama siyosiy muloqot, samarali tijorat, iqtisodiy, tijoriy, ilmiy-texnikaviy va harbiy hamkorlikning tashkil qilinishi shular jumlasidandir.
Shuningdek prezident Putin mintaqaviy va xalqaro masalalarda hamda Mustaqil Davlatlar Hamdoʻstligi, Shanxay hamkorlik tashkiloti, Kollektiv xavfsizlik shartnomasi tashkiloti va boshqa tashkilotlar doirasida oʻzaro harakatlarni muvofiqlashtirish borasida Moskva bilan Dushanbe oʻrtasidagi hamkorlikni yuqori baholadi.
