AQSh sanktsiyalariga qaramay Xitoy Rossiya bilan hamkorlikni davom ettiradi
Xitoy TIVning rasmiy vakili Gen Shuanning maʼlum qilishicha, Xitoy AQSh sanktsiyalariga qaramasdan Rossiya bilan strategik hamkorlikni davom ettiradi. Bu haqida “Sputnik” xabar qilmoqda.
Xitoy AQShga Rossiya bilan harbiy hamkorligi uchun kiritilgan sanktsiyalar boʻyicha keskin bayonot tayyorladi.
“Xitoy tomoni AQShning yangi sanktsiyalar boʻyicha keskin noroziligini bildiradi. AQSh harakatlari xalqaro aloqalarning asosiy tamoyillarini qoʻpol tarzda buzdi”, – deb taʼkidladi Xitoy TIV vakili
Gen Shuan soʻzlariga koʻra, bu oʻz navbatida Xitoy va AQSh qurolli kuchlari oʻrtasidagi aloqalariga putur yetkazadi.
“Biz Rossiya tomoni bilan ikki davlat yetakchilari oʻrtasida erishilgan kelishuvni roʻyobga chiqarishni davom etamiz. Ikki davlat oʻrtasida strategik sherikchilikni yangi bosqichga koʻtaramiz”, – dedi u.
Payshanba kuni Vashington Xitoy Markaziy harbiy kengashi, harbiy tayyorgarlik departamenti va uning rahbari Li Shanfga nisbatan cheklovlarni kiritdi.
Oq uy maʼlum qilishicha, sanktsiyalar oʻtgan yil dekabrda Rossiyadan Su-35 va 2018 yil yanvarda S-400 zenit raketa tizimlarini sotib olinishi bilan bogʻliq. Ikkita kelishuv AQShning Rossiyaga qarshi sanktsiyalar kuchga kirgandan keyin amalga oshirilgan.
Vashington bayonotiga koʻra, yangi choralar Moskvaga qaratilgan. Ammo Rossiya yoki Xitoy mudofaa qobiliyatini zaiflashtirishni nazarda tutmaganligini taʼkidladi.
