Bolton Afgʻon urushida “yollanma jangchilar”dan foydalanishni maslahat berdi
Oq uyning milliy xavfsizlik boʻyicha maslahatchisi Jon Bolton Afgʻonistondagi urushda harbiy “yollanma jangchilar”dan foydalanishni maslahat berdi.
“Bu haqida har doim munozaralar juda koʻp boʻlgan va men doimo yangi gʻoyalarga ochiqman. Lekin oxir-oqibat masala prezidentga havola qilinadi”, dedi Bolton.
Jon Boltonning taklifi AQShning “ABC News” telekanali orqali efirga uzatildi. Ushbu kanalda AQSh Prezidenti idorasi masʼullarining bayonotlari taqdim etiladi. Kanal terrorchi tashkilot sanalmish “Blekuoter” asoschisi Erik Prinsning taklifiga AQSh prezidenti Donald Tramp eʼtibor qaratganligiga ishora qildi. Prinsning taklifi Afgʻonistonda urushni qoʻllab-quvvatlash uchun maxsus harbiy kompaniyalarga tobe harbiy “yollanma jangchilar”ni yollashdan iboratdir.
Prinsning fikri birinchi marta 2017 yilda Trampning Afgʻonistondagi AQSh qoʻshinlarini olib chiqish gʻoyasidan voz kechib, yangi strategiyasini eʼlon qilishidan sal oldin yuzaga kelgan edi. “NBC News” kanaliga koʻra, Trampning Afgʻonistondagi yangi strategiyasi eʼlonidan bir yil oʻtib, jiddiy tarzda Prinsning taklifiga yuzlangan.
2017 yil 22 avgust kuni Tramp AQShning Afgʻonistondagi siyosati AQShning harbiy yetakchilik vakolatlarini kengaytirilishini va xavfsizlik sharoiti yaxshilangunga qadar Vashingtonning harbiy missiya davom etishini eʼlon qilgan edi.
