AQSh Pokistonga xiyonat qildi
Pokiston poytaxti Islomobodda jurnalistlarning savollariga javob bergan Pokiston Tashqi ishlar vaziri Shoh Mahmud Qurashi AQSh Pokistonga toʻlashdan voz kechgan 300 million dollarlik mudofaa mablagʻlariga doir maʼlumot berdi. Bu pul yordam puli emasligini, balki terrorizmga (Islomga) qarshi kurash uchun koalitsiyaga qoʻshilgan davlatlarga ajratilgan fonddan keladigan pul ekanligini bildirgan Qurashi bu haqida AQSh Davlat kotibi Mayk Pompeo bilan gaplashib olishini bildirdi.
Qurashiy terrorizmga (Islomga) qarshi kurash oʻzaro hamkorlikda amalga oshirilishi kerakligini taʼkidlar ekan, Pokiston oʻz zimmasidagi vazifasini oshigʻi bilan bajarganligini bildirdi.
“Pokiston terrorizmga qarshi kurash paytida koʻplab qurbonlar berdi, juda koʻp pullar sarfladi. Vashington bermagan pullarni oʻzimizdan sarfladik. Endi, AQSh bu pulni koalitsiyani qoʻllab-quvvatlash fondidan qayta toʻlab berishi kerak”, dedi Qurashiy.
Maʼlumki, Pentagon terrorizmga qarshi kurashda Pokiston yetarlicha muvaffaqiyat qozonmaganligini va baʼzi terror guruhlari uchun xavfsiz maskan boʻlganligini roʻkach qilib, Pokiston pul toʻlashni toʻxtatishga qaror qildi. Tramp hukumati avval ham Pokistonga beriladigan 255 million dollarlik harbiy moliyaviy yordamni toʻxtatgan edi.
Ammo Pokiston hukumati AQShning talablariga muvofiq terrorga qarshi kurash bahonasida begunoh musulmonlarga qarshi zulm, odam oʻgʻirlash va nohaq hibsga olish kabi zoʻrovonlik siyosatini hech toʻxtatgani yoʻq. 2012 yilda razvedka kuchlari amalga oshirgan amaliyotda Hizb ut-Tahrirning Pokistondagi rasmiy notigʻi Navid Batt oʻgʻirlab ketilgan edi. Oʻshandan beri Battning taqdiri noaniqligicha qolmoqda.
Yaqinda Pokiston xavfsizlik kuchlari toʻrt bolaning onasi va mashhur islomiy maktab oʻqituvchisi Romana Husaynni uyidan oʻgʻirlab ketishdi. Undan ikki hafta oʻtib, 2018 yil 13 avgust kuni ertalab doktor Roshanning uyiga bostirib kirgan Pokiston xavfsizlik kuchlari uni turmush oʻrtogʻi bilan birga oʻgʻirlab ketishdi. Doktor Roshan Karachidaki musulmon jamoalari orasida paygʻambarlik minhoji asosida ikkinchi Rashid xalifalikini tiklash haqidagi daʼvati va bayonotlari bilan mashhur inson edi.
