ShHT Suriyadagi “terrorchilar” Oʻrta Osiyoga yoʻl olayotganidan yana ogohlantirdi
Shanxay hamkorlik tashkilotining rasmiy masʼuli IShID tashkiloti qurolli shaxslarni Rossiya, Yevropa, Oʻrta Osiyo va Janubi-Sharqiy Osiyo mamlakatlariga kuchirishga harakat qilayotganini bildirdi.
Shanxay hamkorlik tashkilotining terrorizmga (Islomga) qarshi kurash boʻyicha mintaqaviy komissiyasi ijroiya qoʻmitasi direktorining oʻrinbosari Said Jumaxon Giyasov Suriyada terrorchilarning rahbarlari qoʻl ostidagi qurolli shaxslarni xorij davlatlariga chiqarib yuborayotganligini daʼvo qildi. Giyasovga koʻra, bunga ularning magʻlubiyatga uchraganligi sabab boʻlmoqda.
“Suriyada jang markazlarining tor-morga uchrashi qolgan qutgan qurolli shaxslar qayta jonlanib, hujra faoliyatini xorijga koʻchirishga majbur qilmoqda”, dedi Giyasov.
“IShIDning maxsus filiallari Oʻrta Osiyo, Janubi-Sharqiy Osiyo, Yevropa va Rossiyada qoʻporuvchilik harakatlari bilan shugʻullanuvchi terroristik guruhlarni qayta tiklash va yangidan tayyorlash yoki (Suriyadan) u yerlarga eksport qilish bilan shugʻullanmoqda”, deya qoʻshimcha qildi u.
Shanxay hamkorlik tashkilotining rasmiy masʼuli bu soʻzlarini Rossiya Tashqi ishlar vazirligi tomonidan dushanba kuni Moskvada “xalqaro terrorizmga qarshi kurash doirasida, noqonuniy qurol aslahalarni yetkazib berishning oldini olish” mavzusida tashkil etilgan matbuot anjumani paytida aytib oʻtdi.
Turkiston:
Mirziyoyev rejimi 2018 yil aprel oyida Oʻzbekistonda Qurʼon musobaqasi uyushtirdi. Unda har bir viloyatdan yuzlagan murottab qorilar ishtirok etishdi. Qorilarning aksariyati rasmiy boʻlmagan buloqlardan tahsil olishgani maʼlum boʻldi va bu holat Mirziyoyev rejimini dahshatga soldi. Yaʼni, Karimov rejimining shuncha repressiyasidan keyin, ularning taxminicha islomiy taʼlimot mutlaq unutilgan boʻlishi kerak edi. Inoyatovning yashirin islomiy harakatlar haqidagi taxminiy hisoboti tasdiqlandi. Chunki Oʻzbek rejimi faqatgina Hizb ut-Tahrir bilan emas, balki Islom va uning butun qadriyatlariga qarshi kurash olib boradi!
Xalqaro siyosatning oʻzgarib borishi Oʻzbekistonni ham oʻz domiga tortmay qoʻymaydi. Shanxay hamkorlik tashkiloti Xitoy va Rossiyaning taʼsiri ostidagi tashkilotdir. Ular Oʻzbekiston xalqaro siyosat markaziga aylanib borayotgani va u AQSh bilan toboro yaqinlashib, uning maqsadlariga paralel strotegiya bilan ish olib borayotganidan xavotirlanib, uni oʻz manfaati tomon yoʻnaltirishga harakat qilishadi. Bu bilan butun Oʻrta Osiyo mintaqasini oʻz taʼsirlari ostida ushlab qolishmoqchi boʻlishadi. Buning uchun ShHT oʻzbekistonni yana avvalgi holatiga, yaʼni xavfsizlik asosidagi (politsiyachi) boshqaruv tizimiga qaytarib, uning qoʻshni davlatlar hamda Avgʻoniston va AQSh bilan borayotgan aloqalariga barham berishlari kerak boʻladi. Shuning uchun Rossiya mulozimi yana IShID muammosini vahima qila boshladi. Oʻzbek mulozimi esa, “hujra” sistemasi xavfini koʻtarib, oddiy Qurʼon yod olish mexanizmini vahimali qilib koʻrsatmoqchi boʻlyapti. Xalqaro siyosatning bu ketuvi (AQSh, Xitoy, Rossiya manfaatlari shu mintaqada toʻqnashib borayotgani) Markaziy Osiyoni yaxshilikka olib bormaydi.
