Rossiya “terrorizm”ga qarshi kurashda Iordaniyaga keng miqyosli xalqaro koordinatsiyani taklif qildi
Rossiya oʻtgan shanba kuni Iordaniyaning Fahis shaharida yuz bergan hujumni qattiq qoralab, Iordan hukumatini “terrorizm”ga qarshi kurashda qoʻllab-quvvatlashini bildirdi va buning uchun unga keng miqyosli xalqaro koordinatsiyani taklif qildi.
“Terroristlar tomonidan Iordaniyada sodir etilgan yangi qoʻporuvchilik harakatini Moskva hukumati qattiq qoralaydi. Bu harakat ularning ekstrimistlarga xos insoniy tabiatini ochik koʻrsatmoqda. Ular uchun gʻalamis harakatlarini qayerda amalga oshirilishining hech qanday farqi yoʻq”, “Bu terroristik amaliyotlar, davlatlar oʻrtasida bemalol oʻtib yurgan terrorchi tashkilotlarga qarshi kurash uchun keng miqyosli xalqaro koordinatsiyani vujudga keltirish zarurligini yana bir bor taʼkidlaydi”, deyiladi Rossiya Tashqi ishlar vazirligi tarafidan dushanba kuni berilgan taʼziya bayonotida.
Shuningdek bayonotda Moskvaning terrorchilik tahdidiga qarshi Iordaniya xalqini qoʻllab-quvvatlashi ham taʼkidlandi.
10 avgustdan 11 avgustga oʻtar tunda Iordaniya xavfsizlik kuchlari va politsiyasi poytaxt Amman yaqinidagi Fahis shaharida oʻtkazayotgan amaliyot chogʻida avtomobilga oʻrnatilgan qoʻlbola portlovchi qurilmaning portlashi natijasida xavfsizlik kuchlari safidan kamida bir kishi halok boʻlgan va bir qancha kishi jarohat olgan edi.
