Putin va Tramp uchrashadigan aniq joy va vaqt maʼlum qilindi
Rossiya va AQSh prezidentlari Vladimir Putin va Donalьd Tramp Xelьsinkida 16 iyulda soat 13:00larda prezident saroyida uchrashadi. Bu haqda Finlyandiya prezidenti devonxonasi maʼlum qilgan.
Maʼlum qilinishicha, 16 iyul ertalab Finlyandiya prezidenti Sauli Niinistyo rafiqasi Yyenni Xaukio bilan Tramp va uning rafiqasini Myantuniyemidagi prezident qarorgohida qabul qiladi.
Putin va Tramp oʻrtasidagi muzokaralar esa prezident saroyining Gotik zalida boʻlib oʻtadi. Muzokaralar ishchi tushlik vaqtida ham davom ettiriladi. Bundan oldin esa saroyda Rossiya tashqi ishlar vaziri Sergey Lavrov va AQSh davlat kotibi Mayk Pompeoning uchrashuvi boʻlib oʻtadi.
Tramp va Putin uchrashuvdan keyin hukumat zalida matbuot-anjuman berishadi.
Shundan keyin Niinistyo Putin bilan uchrashuv oʻtkazadi.
Xelьsinkiga Tramp va Putin uchrashuvini yoritgani 1,5 mingga yaqin jurnalist tashrif buyuradi. “Akkreditatsiyaga arizalar 61 ta davlatdan kelib tushgan. Rossiyadan Xelьsinkiga 200 dan koʻproq jurnalist keladi”, deb aytilgan sammit tashkilotchilari xabarida.
