Tramp va Erdogʻan oʻrtasida iliq muomalalar
Belgiya poytaxti Bryusselda boʻlib oʻtgan NATO sammitida AQSh prezidenti Donald Tramp bilan Turkiya Prezidenti Rajab Toyyib Erdogʻan oʻrtasida bir-biriga nisbatan juda iliq munosabat koʻzga tashlandi. Bu holat Erdogʻan hukumatining yangi boshqaruv tizimiga oʻtishi bilan AQSh-Turkiya oʻrtasida yanada yaqinlik va uygʻunlik mavjudligiga ishora boʻldi.
Turkiya Prezidenti “NATO sammiti” doirasida ikki tomonlama muzokaralar oʻtkazdi. Sammit davomida rahbarlarning yuzma-yuz uchrashuvlari foto suratlar orqali matbuotda aks ettirildi. Erdogʻan ikki hamkasbi Tramp va Macron bilan oʻtkazgan qisqa suhbatdan soʻng, Germaniya kantsleri Angela Merkel bilan 40 daqiqalik uchrashuv oʻtkazdi.
AQSh-Turkiya oʻrtasidagi doʻstlik vaqti-vaqti bilan “buzilgan” qilib koʻrsatilsada, aslida ular oʻrtasida hech qanday buzilish yuz bermadi. Teleekranlar orqali bir biriga qarshi qaratilgan tanqidlar va tahdidli munosabatlar, ikki lider uchrashgan paytda oʻz oʻrnini samimiy doʻstona muhitga boʻshatib beradi. Doimiy arazlashish va yarashish hollari esa Turkiya hukumatining jamoatchilikdagi AQShga boʻlgan dushmanligidan foydalanib, xalq qoʻllovini qozonishga urinishi sifatida koʻriladi.
Masalan, soʻnggi yidlarda roʻy bergan jiddiy hodisalarga qaraladigan boʻlsa, Barak Obama maʼmuriyati Turkiyaning nazarida terrorchi tashkilot sanalgan PYD/PKKni qurol yaroq bilan taʼminlay boshladi. Erdogan hukumati “Ey Obama…” deya uni keskin tanqidlar ostiga oldi. Obama bu ishga chek qoʻyishga vaʼda bergan boʻlsada, vaʼdasini bajarmadi. Soʻng, Erdogan “Obama bizni aldadi” deya bayonot berdi va Trampdan umidi borligi bildirdi. Ammo Tramp maʼmuriyati ham PYD/PKKga qurol yuborish amaliyotini davom ettirdi. Shunday boʻlishiga qqaramay, AQSh-Turkiya rahbarlari oʻrtasidagi doʻstona munosab davom etmoqda.
AQSh va Turkiya hukumatlari oʻrtasida uzilmas aloqa borligi inkor qilinmaydigan haqiqatdir. Rahbarlar bir-birlarini tanqid qilsa ham, birgalikda yurish-turishlar va Suriyada amalga oshirilgan amaliyotlar, NATO doirasida oʻtkazilgan hamkorliklar.., bularning barchasi “tanqidlar”ning soxtaligini va barcha ishlar toʻliq nazorat ostida ketayotganligini koʻrsatadi.
