Eron va yahud vujudi oʻrtasida yashirin muzokaralar boʻlib oʻtdi
Iordaniya poytaxti Amman shahrida Eron va yahud vujudi rasmiylari oʻrtasida maxfiy muzokaralar boʻlib oʻtdi. Ommaga oshkor etilmagan yashirin muzokaralarda Tehron hukumati Suriyaning janubiy harbidagi toʻqnashuvlarda ishtirok etmasligi xususida yahud vujudi bilan kelishib olinganligi aytilmoqda.
Markazi Londonda joylashgan Saudiya Arabistoniga qarashli “ILAF” gazetasining uchrashuvda ishtirok etgan manbaga tayanib tarqatgan xabariga koʻra, Eron xavfsizlik organlari tarkibida Eronning Ammondagi elchisi Mujteba Firdavsiy Bur ham boʻlgan. Mossad boshligʻining oʻrinbosari esa yahud vujudi rasmiylari orasidan oʻrin olgan. Ular Ammandagi bir mehmonxonaning turli xonalarida joylashtirilgan va taraflar oʻrtasidagi muzokaralar iordaniyalik vositachi tomonidan yurgizilgan.
Xabarda aytilishicha, bilvosita muzokaralarda Suriyaning janubiy gʻarbida, ayniqsa Derʼa va Kuneytara shaharlarida yuzaga kelishi kutilayotgan mojarolar mavzusi koʻtarilgan.
“Muzokara natijasi sifatida Eron va uning hizbi hizbulloh hamda boshqa shia guruhlari mazkur mintaqalardagi nizolarga aralashmasligi va Iordaniya ham oʻz chegaralarini kesib oʻtuvchilardan toʻsishi xususida kelishib olindi”, deyiladi xabarda.
Shuningdek yashirin muzokarada Joʻlon tepaliklari va (Isroil)-Iordaniya chegarasiga yaqin mintaqada chiqishi kutilgan mojaroga Eron va uning hizbi qoʻshilmasa, yahud vujudi ham aralashmasligi ustida kelishib olingani aytilmoqda.
